ପଦ୍ମପୁର, (ନିରୋଜ କୁମାର ପାଣୀ) : ପାଇକମାଲ ବ୍ଲକ ଛିନ୍ଦେଇକେଲା ଗ୍ରାମଠାରେ ପାଞ୍ଚ ଦିନ ଧରି ଚାଲିଥିବା କାର୍ତ୍ତିକେଶ୍ୱର ପୂଜା କାଲି ଉଦ୍ଯାପିତ ହୋଇଯାଇଛି । ଉକ୍ତ ଉତ୍ସବଟି ଗ୍ରାମର ସମସ୍ତ ସ୍ୱୟଂ ସହାୟିକା ଗୋଷ୍ଠୀ ଦ୍ୱାରା ପରିଚାଳିତ ହୋଇଥିଲା । ମନ୍ଦିର ପୂଜକ ସୁବାଷ ପାଢ଼ୀ ଓ ସହଯୋଗୀ ଭାବରେ ଅକ୍ଷୟ ଦାସ ପୂଜାର୍ଚନା କରିଥିବା ବେଳେ କର୍ତ୍ତା ଭାବରେ ରାଜୁ ବଛା ଓ ବାଳିକା ବଛା ପୂଜାରେ ବସିଥିଲେ । ପୁରାଣ ପାଠ କରିଥିଲେ ନୁରାବନ ଭୋଇ ମନୋରଞ୍ଜନ କାର୍ଯ୍ୟକ୍ରମରେ ଦଣ୍ଡନୃତ୍ୟ ଓ ବୁଗି ବୁଗି ନାଚ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ସମସ୍ତ ଶାନ୍ତି ଶୃଙ୍ଖଳାରେ ହୋଇଥିବାରୁ ସ୍ୱୟଂ ସହାୟିକା ଗୋଷ୍ଠୀର ସଦସ୍ୟାମାନେ ଗ୍ରାମର ମୁରବିମାନଙ୍କୁ ଧନ୍ୟବାଦ ଜଣାଇଛନ୍ତି ।