ବଲାଙ୍ଗିର, (ଦେବାଶିଷ ମିଶ୍ର) : ଗତକାଲି ସନ୍ଧ୍ୟା ଗୋଧୂଳି ଲଗ୍ନରେ ଚଳିତ ବର୍ଷ ଶୀତଳଷଷ୍ଠୀ ଯାତ୍ରା ପାଇଁ ପବିତ୍ର ଅକ୍ଷୟ ତୃତୀୟା ଅବସରରେ ସ୍ଥାନୀୟ ସନାତନ ମନ୍ଦିର ପରିସରରେ ରାଧାରଣୀପଡା ଶୀତଳଷଷ୍ଠୀ ପୂଜା କମିଟି ଓ କଂସାରିପଡା ପୂଜା କମିଟି ମିଳିତ ଆନୁକୁଲ୍ୟରେ ଦେବଦମ୍ପତ୍ତିଙ୍କ ଉଦ୍ଦେଶ୍ୟରେ ଥାଳଉଠା କାର୍ଯ୍ୟକ୍ରମ ସମ୍ପନ୍ନ ହୋଇଯାଇଛି । ଆଜିର ଏହି ଥାଳଉଠା କାର୍ଯ୍ୟକ୍ରମରେ ଉଭୟ ପୂଜା କମିଟିର ସଭ୍ୟ ସହ ଶ୍ରଦ୍ଧାଳୁମାନେ ଉପସ୍ଥିତ ଥିଲେ । ଶୀତଳଷଷ୍ଠୀ ଯାତ୍ରା ଯେପରି ଶାନ୍ତିଶୃଙ୍ଖଳା ସହ ସୂଚାରୁ ରୂପେ ସମ୍ପନ୍ନ ହୋଇପାରିବ ଏବଂ ଶ୍ରଦ୍ଧାଳୁମାନେ ଦେବ ଦମ୍ପତ୍ତିଙ୍କୁ ଦର୍ଶନ କରିପାରିବେ ସେ ଦିଗରେ ବିସ୍ତୃତ ଆଲୋଚନା ହୋଇଥିଲା । ରାଧାରାଣୀପଡା ପୂଜା କମିଟିର କନ୍ୟାପିତା ନାରାୟଣ ସ୍ୱାମୀ ନାଇଡୁ, ଶ୍ରୀଲତା ନାଇଡୁ ଓ ବରପିତା କଂସାରିପଡାର ମିଲୁ ନାଏକ, ସୋନାଲି ହୋତା ପ୍ରମୁଖ ଉପସ୍ଥିତ ଥିଲେ । ପୂର୍ବ ବର୍ଷ ଅପେକ୍ଷା ଶୀତଳଷଷ୍ଠୀ ଯାତ୍ରାକୁ ଆହୁରି ମନୋରମ କରିବାକୁ ଉପସ୍ଥିତ ସଭ୍ୟ ଏବଂ ଶ୍ରଦ୍ଧାଳୁ ନିଜ ମତବ୍ୟକ୍ତ କରିଥିଲେ ।