ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ କୁଣ୍ଡାବୁଟୁଲା ପଂଚାୟତର ନଙ୍ଗଲାଜୁରୀ ଓ ଡୁମେରପଡା ଗାଁରେ ଆଜି ଶତାଧିକ ବୃଦ୍ଧବୃଦ୍ଧାମାନଙ୍କୁ କମ୍ବଳ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ କୁଣ୍ଡାବୁଟୁଲା ପଂଚାୟତର ନାରୀନେତ୍ରୀ ପୂର୍ଣ୍ଣିମା ବେହେରାଙ୍କ ନେତୃତ୍ୱରେ ଶତାଧିକ ଅସହାୟଙ୍କୁ କମ୍ବଳ ବଣ୍ଟନ କରିଥିଲେ । ବର୍ତ୍ତମାନ ଏହି ଅଂଚଳରେ ହାଡ ଭଙ୍ଗା ଶୀତ ଦେଖାଦେଇଥିବା ବେଳେ ବୃଦ୍ଧବୃଦ୍ଧାମାନେ ଥଣ୍ଡା ହେଉଥିବାରୁ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଥିବା ଜଣାପଡିଛି । ଏଥିରେ ଅନ୍ୟମାନଙ୍କ ମଧ୍ୟରେ ବଙ୍ଗୋମୁଣ୍ଡା ଜୋନର ଜିଲ୍ଲା ପରିଷଦ ସଦସ୍ୟ ଉଦ୍ଧବ ବେହେରା ଉପସ୍ଥିତ ଥିଲେ । ଏହି ବୃଦ୍ଧବୃଦ୍ଧାମାନେ କମ୍ବଳ ପାଇଥିବାରୁ ସେମାନେ ଖୁସି ବ୍ୟକ୍ତ କରିଛନ୍ତି । ବିଭିନ୍ନ ମହଳରେ ପ୍ରଶଂସା କରାଯାଉଥିବା ଜଣାପଡିଛି ।