centurian jitm

ଟ୍ରେନ୍‌ ସାମ୍ନାକୁ ଡେଇଁ ଯୁବକଙ୍କ ଆତ୍ମହତ୍ୟା

ଭଦ୍ରକ : ଟ୍ରେନ୍‌ ସାମ୍ନାକୁ ଡେଇଁ ଯୁବକଙ୍କ ଆତ୍ମହତ୍ୟା । ଯାତ୍ରା କରୁଥିବା ଟ୍ରେନ୍‌ ଓହ୍ଲାଇ ଏକ ଟ୍ରେନ୍‌ ସାମ୍ନାକୁ ଡେଇଁ ଆତ୍ମହତ୍ୟା କରିଛନ୍ତି ଯୁବକ । ମୃତ ବ୍ୟକ୍ତି ହେଲେ କୋଲକାତାର ବିଟୁ ପ୍ରସାଦ ବୋଲି ଜଣାପଡିଛି । ଭଦ୍ରକ ଜିଲ୍ଲା ଚରମ୍ପା ଷ୍ଟେସନ୍‌ ଓ ବାଉଦପୁର ଷ୍ଟେସନ୍‌ ମଝିରେ ଏଭଳି ଘଟଣା ଘଟିଛି । ଖବର ଅନୁଯାୟୀ, କୋଲକାତାର ବିଟୁ ପ୍ରସାଦ ନାମକ ଜଣେ ଯୁବକ ବିବେକ ଏକ୍ସପ୍ରେସ୍‌ରେ କେରଳ ଅଭିମୁଖେ ଯାଇଥିଲେ । ଟ୍ରେନ୍‌ଟି ବାଉଦପୁର ଷ୍ଟେସନ ପୂର୍ବରୁ ସ୍ଲୋ ହୋଇଥିଲା ।ଏହି ସମୟରେ ବିଟୁ ପ୍ରସାଦ ବିବେକ ଏକ୍ସପ୍ରେସ୍‌ରୁ ଓହ୍ଲାଇ ଡାଉନ୍ ଲାଇନ୍‌ରେ ଆସୁଥିବା ଯାଜପୁର ଖଡ଼ଗପୁର ଲୋକାଲ୍‌ ଟ୍ରେନ୍‌ ସାମ୍ନାକୁ ଡେଇଁ ପଡ଼ିଥିଲେ । ଯାହାଫଳରେ ଘଟଣାସ୍ଥଳରେ ହିଁ ବିଟୁ ପ୍ରସାଦଙ୍କ ମୃତ୍ୟୁ ହୋଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ଜିଆରପି ପୋଲିସକୁ ଖବର ଦେଇଥିଲେ । ଖବର ପାଇ ଭଦ୍ରକ ଜିଆରପି ପୋଲିସ ଘଟଣାସ୍ଥଳରେ ପହଞ୍ଚି ଯୁବକଙ୍କ ମୃତଦେହ ଉଦ୍ଧାର କରିଛି । ଏହାସହ ଘଟଣାର ତଦନ୍ତ ଚଳାଇଛି ପୋଲିସ ।

Leave A Reply

Your email address will not be published.