ବଲାଙ୍ଗିର, (କେପିଏନ୍ଏସ୍) : ଟ୍ରେନ୍ରେ କଟି ଜଣେ ଯୁବକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । କୁହାଯାଉଛି, ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କରିଛନ୍ତି କଦମ ପଡାର ରାହୁଲ ସୁନା (୨୮) । ଟ୍ରେନ୍ରେ କଟି ଯୁବକଙ୍କ ମୁଣ୍ଡ-ଗଣ୍ଡି ଅଲଗା ହୋଇଯାଇଥିବା ଦେଖିବାକୁ ମିଳିଛି । ବଲଙ୍ଗିର-ଭୁବନେଶ୍ୱର ଇଣ୍ଟରସିଟି ଟ୍ରେନ୍ ଆଗକୁ ଡେଇଁ ସେ ଜୀବନ ହାରିଥିବା ଜଣାପଡିଛି । ସୂଚନା ଯୋଗ୍ୟ ଯେ, ଗତ ୩ବର୍ଷ ତଳେ ବିବାହ କରିଥିବା ଯୁବକ ଜଣକ କିଛି ଦିନ ହେବ ମଧିଆପାଲି ବୁଲେଟ ସୋ’ ରୁମ୍ରେ କାମ କରୁଥଲେ । ବୁଧବାର ସ୍ୱାମୀ-ସ୍ତ୍ରୀଙ୍କ ମଧ୍ୟରେ କୌଣସି କଥାକୁ ନେଇ ଝଗଡ଼ା ହୋଇଥିଲା । ଏପରିକି ଥାନାରେ ଏନେଇ ଅଭିଯୋଗ ହୋଇଥିଲା । ତେବେ ପାରିବାରିକ କଳହକୁ ନେଇ ଯୁବକ ଜଣଙ୍କ ମାନସିକ ଭାରସାମ୍ୟ ହରାଇ ଏଭଳି ଚରମ ପଦକ୍ଷେପ ନେଇଥିବା ଜଣାପଡ଼ିଛି । ମୃତଦେହକୁ ଜବତ କରି ପୋଷ୍ଟ ମର୍ଟମ ପାଇଁ ପଠାଇଛି ଜିଆରପି ପୋଲିସ ।