ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକର କୁଣ୍ଡାବୁଟୁଲା ପଞ୍ଚାୟତକୁ ବ୍ଲକ ମାନ୍ୟତା ଦାବି ଜୋର ଧରୁଛି । ଦୀର୍ଘ ବର୍ଷରୁ କୁଣ୍ଡାବୁଟୁଲା ପଞ୍ଚାୟତକୁ ବ୍ଲକ ମାନ୍ୟତା ଦାବି ହୋଇଆସୁଛି । ବିଭିନ୍ନ ସମୟରେ ବିଡ଼ିଓ, ଜିଲ୍ଲାପାଳଙ୍କୁ ଦୃଷ୍ଟି ଆକର୍ଷଣ କରି ଦାବିପତ୍ର ପ୍ରଦାନ କରାଯାଇଥିଲେ ମଧ୍ୟ କେହି ଧ୍ୟାନ ଦେଉନଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ଭୌଗୋଳିକ ଦୃଷ୍ଟିରୁ କୁଣ୍ଡାବୁଟୁଲା ମଧ୍ୟବର୍ତ୍ତୀ ସ୍ଥାନ ହୋଇଥିବାରୁ କୁଣ୍ଡାବୁଟୁଲାକୁ ଦୀର୍ଘ ବର୍ଷରୁ ବ୍ଲକ ମାନ୍ୟତା ଦାବି କରାଯାଉଛି । ଆଜି କୁଣ୍ଡାବୁଟୁଲା ପଂଚାୟତକୁ ବ୍ଲକ ଦାବି ନେଇ ପୂର୍ବତନ ଜିଲ୍ଲା ପରିଷଦ ସଦସ୍ୟ ଉଦ୍ଧବ ବେହେରାଙ୍କ ନେତୃତ୍ୱରେ ପ୍ରସ୍ତୁତି ବୈଠକ ହୋଇଯାଇଛି । ଏଥିରେ ବିଭିନ୍ନ ପଞ୍ଚାୟତର ଜନପ୍ରତିନିଧି ଓ ଅଞ୍ଚଳବାସୀ ମାନେ ସାମିଲ ହୋଇଥିଲେ । କୁଣ୍ଡାବୁଟୁଲାକୁ ନୂତନ ବ୍ଲକ ମାନ୍ୟତା ଘୋଷଣା କରାଯିବା ପାଇଁ ଦାବି କରିଥିଲେ । ବ୍ଲକ ଘୋଷଣା ନ ହେଲେ ଆଗାମୀ ଦିନରେ ତୀବ୍ର ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି । ଏଥିରେ ହଂସରାଜ ସାହୁ, ସତ୍ୟବାନ ସାହୁ, ଲେଖାରାମ ସାହୁ, ଯୁବରାଜ ବେହେରା, ପୂର୍ଣ୍ଣଚନ୍ଦ୍ର ହଂସ, ଗୌରହରି ବେହେରା, ମନୋଜ ବେହେରା, ଦୁଷ୍ମନ୍ତ ବେହେରା, ଧନଞ୍ଜୟ ବେହେରା ପ୍ରମୁଖଙ୍କ ସହ ଅଞ୍ଚଳବାସୀ ଉପସ୍ଥିତ ରହି ନିଜ ନିଜର ମତାମତ ରଖିଥିଲେ । ଅଞ୍ଚଳର ବିଭିନ୍ନ ପଞ୍ଚାୟତର ଜନ ପ୍ରତିନିଧି ଓ ସ୍ଥାନୀୟ ବାସିନ୍ଦା ଯୋଗ ଦେଇଥିଲେ ।