ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜେଆଇଟିଏମ୍ କଲେଜରୁ ଛାତ୍ରୀଙ୍କ ଝୁଲନ୍ତା ମୃତ ଦେହ ଉଦ୍ଧାର । ଆଜି ପୂର୍ବାହ୍ନରେ ଛାତ୍ରୀଙ୍କ ମୃତ ଦେହକୁ କଲେଜର ହଷ୍ଟେଲରୁ ଉଦ୍ଧାର କରାଯାଇଥିବା ବେଳେ ମୃତ ଛାତ୍ରୀ ଜଣକ ବଲାଙ୍ଗିର ଜିଲ୍ଲା ତୁରେକେଲାର ପ୍ରେମରାଜ ପାଣିଗ୍ରାହୀଙ୍କ ଝିଅ ପ୍ରତ୍ୟାଶା ପାଣିଗ୍ରାହୀ ବୋଲି ଜଣାପଡିଛି । ମୃତ ଛାତ୍ରୀ ଜେଇଆଇଟିଏମ କଲେଜରେ ଯୁକ୍ତ ଦୁଇ କଳା ସିଏବିଏସଇର ଦ୍ଵିତୀୟ ବର୍ଷର ଛାତ୍ରୀ ଥିଲେ । ମାନସିକ ଚାପ ଯୋଗୁଁ ଛାତ୍ରୀ ଜଣକ ଭାଙ୍ଗି ପଡ଼ି ଏଭଳି ପଦେକ୍ଷପ ନେଇଥିବା ଛାତ୍ରୀଙ୍କ ବାପା ଅଭିଯୋଗ କରିଛନ୍ତି । ବଲାଙ୍ଗିର ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲ ସ୍ଥିତ ଶବ ବ୍ୟବଚ୍ଛେଦ କେନ୍ଦ୍ରରେ ଛାତ୍ରୀଙ୍କ ମୃତଦେହ ରଖାଯାଇଥିବା ଜଣାପଡିଛି ।