ଆଠଗଡ଼ : କଟକ ଜିଲ୍ଲା ଆଠଗଡ଼ ଦିଅଁଝର ଝରଣାରେ ଅଘଟଣ । ଜଳପ୍ରପାତରେ ବୁଡି ଜଣେ ପର୍ଯ୍ୟଟକଙ୍କ ମୃତ୍ୟୁ ହୋଇଯାଇଛି । ମୃତ ପର୍ଯ୍ୟଟକ ଜଣକ ହେଲେ କଟକ ନୂଆବଜାର କଲ୍ୟାଣୀନଗରର ସୌମ୍ୟରଞ୍ଜନ ପରିଜା ବୋଲି ଜଣାପଡିଛି । ଖବର ଅନୁଯାୟୀ, କଟକର ୬ ଜଣ ପର୍ଯ୍ୟଟକ ନରସିଂହପୁର ବ୍ଲକ ଅନ୍ତର୍ଗତ ଦିଅଁଝର ଜଳପ୍ରପାତକୁ ବୁଲିବାକୁ ଆସିଥିଲେ । ସମସ୍ତେ ଜଳପ୍ରପାତରେ ଗାଧୋଇବା ବେଳେ ଜଣେ ଯୁବକ ପାଣିରେ ବୁଡିଯାଇଥିଲେ । ବହୁ ଖୋଜାଖୋଜି ପରେ ଯୁବକଙ୍କୁ ଉଦ୍ଧାର କରିଥିଲେ ଅଗ୍ନିଶମ ବାହିନୀ । ସେଠାରୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।