ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସ୍ଥିତ ରଜାପଡା ଜେନିଥ୍ ଲିଓ କ୍ୟାମ୍ପସରେ ଏକ ବିଶାଳ ଦନ୍ତ ଏବଂ ମୁଖ ସ୍ୱାସ୍ଥ୍ୟ ଶିବିର ସଫଳତାର ସହିତ ଅନୁଷ୍ଠିତ ହୋଇଯାଇଛି । ଏହି ଅବସରରେ ଏସ୍ସିବିର ଖ୍ୟାତନାମା ଏବଂ ଅନୁଭବି ଚିକିତ୍ସକ ଡ଼ଃ ଅନିଲ ସାହୁ ଏବଂ ଡ଼ଃ ସୁନିତା ସାହୁ ଉପସ୍ଥିତ ଥିଲେ । ଏହି କ୍ୟାମ୍ପରେ ୩୦୦ରୁ ଅଧିକ ଶିଶୁଙ୍କର ଦନ୍ତ ପରୀକ୍ଷା କରାଯାଇଥିଲା ଏବଂ ଆବଶ୍ୟକ ପାଇଁ ପରାମର୍ଶ ଦିଆଯାଇଥିଲା । ଶିଶୁମାନଙ୍କୁ ଦନ୍ତ ସୁରକ୍ଷା ଏବଂ ଭଲ ଦନ୍ତ ସ୍ୱାସ୍ଥ୍ୟ ଅଭ୍ୟାସ ସମ୍ପର୍କରେ ଜାଗୃତ କରିବା ପାଇଁ ଏକ ବିଶେଷ ଅଧିବେଶନ ଆୟୋଜନ କରାଯାଇଥିଲା । ଏହି ଉଦ୍ୟମକୁ ଉତ୍ସାହିତ କରିବା ପାଇଁ ସମସ୍ତ ଶିଶୁଙ୍କୁ ଶିଶୁ-ମିତ୍ରପୂର୍ଣ୍ଣ ଦନ୍ତ ମଞ୍ଜନ ଓ ବ୍ରସ୍ ଉପହାର ସ୍ୱରୂପ ପ୍ରଦାନ କରାଯାଇଥିଲା । ଶିବିରରେ ଜେନିଥ୍ ଲିଓର ଅଧ୍ୟକ୍ଷ ଡ. ମନୋଜ କୁମାର ପଣ୍ଡା ଏବଂ ସଂଯୋଜିକା ଶୋଭନା ପଣ୍ଡା, ବିଦ୍ୟାଳୟ ପରିଚାଳନା କମିଟିର ସଦସ୍ୟ ପ୍ରତାପ ମିଶ୍ର, ମହମ୍ମଦ ଜାୱେଦ୍, ପବନ କୁମାର ଅଗ୍ରୱାଲ, ସୁଶାନ୍ତ ରଥ କାର୍ଯ୍ୟକ୍ରମରେ ଉପସ୍ଥିତ ଥିଲେ । ଶିବିରର ସଫଳ ଆୟୋଜନରେ ବିଦ୍ୟାଳୟର ସମସ୍ତ କର୍ମଚାରୀ ସହଯୋଗ କରିଥିଲେ ।