ରାଉରକେଲା, (ସସ୍ମିତା ପ୍ରଧାନ) : ଇସ୍ପାତ ସେଣ୍ଟ୍ରାଲ ମାର୍କେଟ ଠାରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ କରୋନା ନିୟମ ଅନୁଯାୟୀ ପାଳନ କରାଯାଇଛି । କବି ଆର୍ତ୍ତତ୍ରାଣ ମହାପାତ୍ରଙ୍କ ସଭାପତିତ୍ୱ ଓ ବଣିକ ସଂଘର ସାଧାରଣ ସଂପାଦକ ମୁରଲିଧର ମିଶ୍ରଙ୍କ ଆବାହକତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରାକ୍ତନ ପୁଲିସ ଅଧିକାରୀ ଡ.ସୁମନ ଦତ୍ତ ମୁଖ୍ୟ ଅତିଥି ଭାବେ ଯୋଗ ଦେଇ ନେତାଜୀଙ୍କ ଗୁଣାବଳୀ ଓ ସଂଘର୍ଷମୟ ଜୀବନ ଉପରେ ଆଲୋଚନା କରିଥିଲେ । ଶ୍ରୀ ଦତ୍ତ କହିଥିଲେ ଯେ ମହାତ୍ମାଗାନ୍ଧୀ ଓ ନେତାଜୀଙ୍କୁ ଦେଶ ଭକ୍ତ ଯୁବରାଜ ପଦରେ ଆଭୂଷିତ କରିଥିଲେ ହେଁ ଏହି ଯୁବରାଜ ସ୍ୱାଧୀନ ଭାରତର ସନ୍ତାନ ହେବାକୁ ଉପଲବ୍ଧ ହେଲେ ନାହିଁ ସିନା କିନ୍ତୁ ଦେଶବାସୀଙ୍କ ହୃଦୟରେ ମୁକୁଟବିହୀନ ସମ୍ରାଟ ହୋଇ ଅମରତ୍ୱ ଲାଭ କଲେ । ଯଦି ଆମେ ସମସ୍ତେ ନ୍ୟସ୍ତ ସ୍ୱାର୍ଥକୁ ଭୁଲି ଦେଶ, ସମାଜ ପାଇଁ ପ୍ରାଣବଳୀ ଦେଇପାରିବା ତେବେ ନେତାଜୀଙ୍କ ସ୍ୱପ୍ନ ସାକାର ହୋଇପାରିବ । ଅନ୍ୟମାନଙ୍କ ମଧ୍ୟରେ ସର୍ବଶ୍ରୀ ବିଜୟ ତ୍ରିପାଠୀ, ଡି.କେ.ଆନନ୍ଦ, ଅଶୋକ ପଣ୍ଡା, ପ୍ରଦୀପ କୁମାର ମିଶ୍ର, ରାଜୁ ନାୟକ, ଦୀନବନ୍ଧୁ ନାହାକ, ସୁକାନ୍ତ କୁମାର ଦାସ ପ୍ରମୁଖ ଉପସ୍ଥିତ ଥିଲାବେଳେ ଶେଷରେ ସାଧାରଣ ସଂପାଦକ ଶ୍ରୀ ମିଶ୍ର ଧନ୍ୟବାଦ ଅର୍ପଣ କରିଥିଲେ ।