ପୁରୀ : ଆଜି ଶ୍ରୀମନ୍ଦିରରେ ଶ୍ରୀନୃସିଂହ ଦେବଙ୍କ ଜନ୍ମ ବିଧି ଅନୁଷ୍ଠିତ ହେବ । ପୂଜାପଣ୍ଡା ସେବକ ଠାକୁରଙ୍କ ଆଜ୍ଞାମାଳ ନେଇ ଚକ୍ରତୀର୍ଥ ରୋଡ୍ସ୍ଥିତ ଚକ୍ର ନାରାୟଣଙ୍କୁ ପ୍ରଦାନ କରିବେ । ମହାପ୍ରଭୁଙ୍କ ସନ୍ଧ୍ୟାଧୂପ ପରେ ନୃସିଂହ ଦେବ ରତ୍ନସିଂହାସନରେ ବିଜେ ହେବେ । ଠାକୁରଙ୍କ ଆଜ୍ଞାମାଳ ପାଇ ନୃସିଂହ ଦେବ ଖଟୁଲିରେ ବିଜେ ହେବେ । ଶ୍ରୀନୃସିଂହଙ୍କ ମନ୍ଦିରରେ ପତିମହାପାତ୍ରଙ୍କ ଦ୍ୱାରା ସ୍ୱତନ୍ତ୍ର ପୂଜା ଅନୁଷ୍ଠିତ ହେବ । ମୁକ୍ତିମଣ୍ଡପ ଉପରେ ଠାକୁର ବିଜେ ହୋଇଥିବେ । ଉଭୟ ଠାକୁରଙ୍କୁ ପଞ୍ଚ ଉପଚାରରେ ଶୀତଳ ଭୋଗ ଅର୍ପଣ ହେବ । ଏହାପରେ ଶ୍ରୀନୃସିଂହ ଠାକୁର ବିମାନରେ ବିଜେ ହୋଇ ନଗର ପରିକ୍ରମା କରିବେ । ଜଗନ୍ନାଥ ବଲ୍ଲଭ ମଠରେ ବିଶେଷ ନୀତି ପାଳନ ହେବ ।