ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ ଆର୍ଯ୍ୟ ମନ୍ଦିରରେ ବିଶ୍ୱଶାନ୍ତି ଓ ସମଗ୍ର ମାନବ ସମାଜର କଲ୍ୟାଣ ପାଇଁ ପ୍ରଫେସର ତରୁଣ ମିଶ୍ରଙ୍କ ପୌରାହିତ୍ୟରେ ଏକ ଯଜ୍ଞର ଆୟୋଜନ କରାଯାଇଥିଲା । ଏଥିରେ ଶ୍ରୀ ମିଶ୍ର ଓ ତାଙ୍କ ପତ୍ନୀ ମଧୁଛନ୍ଦା ମିଶ୍ର, ଶୁଭେନ୍ଦୁ ସାହୁ ଓ ତାଙ୍କ ପତ୍ନୀ କର୍ତ୍ତା ଥିଲେ । ଅନ୍ୟମାନଙ୍କ ମଧ୍ୟରେ ଗୋପାଳ ଦାଶ, ମୋତିଲାଲ୍ ସାହୁ, ନରେନ୍ଦ୍ର କବାଟ, ବାୟା ମଶ୍ର ପ୍ରମୁଖ ଯଜ୍ଞରେ ଆହୁତି ଦେଇଥିଲେ । ସୁରେଶ ଆର୍ଯ୍ୟ ଓ ସତ୍ୟପ୍ରକାଶ ଆର୍ଯ୍ୟ ପୂଜାର୍ଚ୍ଚନା କରିଥିଲେ । ସଂପାଦକ ହିତେଶ ସାହୁ ଧନ୍ୟବାଦ ଦେଇଥିଲେ ।