ପଦ୍ମପୁର, (ନିରୋଜ କୁମାର ପାଣୀ) : ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଝାରବନ୍ଧ ବ୍ଲକ ଜଗଦଳପୁର ଥାନା ଚଣ୍ଡୀଭଟା ଗ୍ରାମର ଗୁରୁଦେବ ସେଠ (୫୦)ଙ୍କୁ ବେଆଇନ ଏସ୍କଫ ସିରଫ, ନିଶାବଟିକା, ଦେଶୀମଦ କାର୍ବାର୍ ଅଭିଯୋଗରେ କୋର୍ଟ ଚାଲାଣ କରାଯାଇଛି । ଜଗଦଳପୁର ପୋଲିସ ପେଟ୍ରୋଲିଂ କରୁଥିବା ବେଳେ ଚଣ୍ଡୀଭଟା ଛକ ଠାରେ ଗୁରୁଦେବ ସେଟକୁ ସନ୍ଦେହରେ ତଲାସୀ କରିଥିଲେ । ତାଙ୍କ ଠାରୁ ୧୫ ବୋତଲ କୋଡିନ ସିରଫ, ୧୨ଟି ଖାଲି କୋଡିନ ବୋତଲ, ଗୋଟିଏ ଷ୍ଟ୍ରିପ ନାଇଟ୍ରୋସେନ, ୧୦ଟି ଟାବଲେଟ, ୫ ଲିଟର ଅପମିଶ୍ରଣ କଫ ସିରଫ, ୫ ଲିଟର ଦେଶୀ ମଦ, ନଗଦ ୧୪ ହଜାର ୨୬୦ ଟଙ୍କା ଜବତ କରିଥିଲେ । ଏ ସଂକ୍ରାନ୍ତରେ ଥାନା କେସ ନଂ ୨୦୨/୨୦୨୪ରେ ମାମଲା ରୁଜୁ କରାଯାଇଛି ବୋଲି ଥାନା ଅଧିକାରୀ କୈଳାସ ଚନ୍ଦ୍ର ପ୍ରଧାନ ସୂଚନା ଦେଇଛନ୍ତି ।