ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାମ ଜିଲ୍ଲା ହିଞ୍ଜିଳି ଥାନା ଅନ୍ତର୍ଗତ ଲେଙ୍କାଖଲ୍ଳୀ ଗ୍ରାମରେ ସୁନାଗହଣା ଚୋରି କରିବା ନେଇ ପୁଲିସ ଗିରଫ କରିଛି । ହେଲେ ଗିରଫ ଅଭିଯୁକ୍ତମାନେ ଡେଙ୍ଗାଡି ଗ୍ରାମର ରାଜୀବ ନଗର ଓ କବିସୂର୍ଯ୍ୟନଗର ଶାସନସାହିର ବୋଲି ହିଞ୍ଜିଳି ପୋଲିସ ଥାନା ପକ୍ଷରୁ କୁହାଯାଇଛି । ସୂଚନା ଯୋଗ୍ୟ ଯେ, ଲେଙ୍କାଖଲ୍ଳୀ ଗ୍ରାମର ସୁକାନ୍ତ ଦଳାଇଙ୍କ ଘରୁ ଗତ ସୋମବାର ଦିନ ବିଳମ୍ବିତ ରାତିରେ ଦୁର୍ବୃତ୍ତମାନେ ଘର ପଛପଟ କବାଟ ଭାଙ୍ଗି ଘରେ ଥିବା ସୁନାଗହଣା ଚୋରି କରି ଫେରାର ଥିଲେ । ପରେ ଚୋରିହୋଇଥିବା ଜାଣି ନିକଟସ୍ଥ ଥାନାରେ ଅଭିଯୋଗ କରିଥିଲେ ଅଭିଯୋଗକୁ ଭିତ୍ତିକରି ହିଞ୍ଜିଳି ପୋଲିସ ୩ ଅଭିଯୁକ୍ତ ସହ କ୍ରୟ କରିଥିବା ଜଣେ ବଣିଆକୁ ଗିରଫ କରିବାରେ ସଫଳ ହୋଇଛି । ମୋଟ ୨୧୦ ଗ୍ରାମର ସୁନାଗହଣା ଜବତ କରାଯାଇଛି ବୋଲି ପୋଲିସ ସୁତ୍ରରୁ ପ୍ରକାଶ ପାଇଛି । ଏନେଇ ହିଞ୍ଜିଳି ଥାନାରେ ଅନୁଷ୍ଠିତ ଏକ ସମ୍ବାଦିକ ସମ୍ମିଳନୀରେ କେଶ ନଂ ୨୯୭/୨୧ ,୪୫୭/୩୮୦ ଆଇପିସି ନୁଯାଇ ଅଭିଯୁକ୍ତକୁ ଗିରଫ ହୋଇଥିବା ମଧ୍ୟ ସୂଚନା ଦିଆଯାଇଛି ।