ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ଅନ୍ତର୍ଗତ ପାଣ୍ଡିରିଡୁଙ୍ଗୁରୀ ଗ୍ରାମ ଠାରେ ଗତକାଲି ବନ ବିଭାଗ ପକ୍ଷରୁ ଚଢାଉ କରାଯାଇ ୮ଟି ଶାଳ କାଠ ଗଣ୍ଡି ସହ ଗୋଟିଏ ଟ୍ରାକ୍ଟରକୁ ଜବତ କରାଯାଇଥିବା ବେଳେ ଘଟଣାରେ ସଂପୃକ୍ତ ୨ ଜଣଙ୍କୁ ଗିରଫ କରାଯାଇଥିବା ନେଇ ଡିଏଫ୍ଓ ନୀତିଶ କୁମାର ସୂଚନା ଦେଇଛନ୍ତି । ଗିରଫ ଦୁଇ ଜଣ ଅଭିଯୁକ୍ତ ମାନେ ହେଲେ ଜବତ ହୋଇଥିବା ଟ୍ରାକ୍ଟରର ଡ୍ରାଇଭର ପଦ୍ମଲୋଚନ ବରିହା ଓ ପାଟୁଆପାଲି ଗାଁର ନେପାଳ ପଧାନ । ଏହି ଚଢାଉରେ ପାଟଣାଗଡ଼ ଓ ଲୋଇସିଂହା ରେଞ୍ଜର କର୍ମଚାରୀ ମାନେ ସାମିଲ ଥିବା ବେଳେ ଡିଏଫ୍ଓ ନୀତିଶ କୁମାର ଏମାନଙ୍କୁ ପ୍ରଶଂସା କରିଛନ୍ତି ।