କଂଟାବାଂଜି, (ଗୁରୁଦୟାଳ ହଂସ) : ବଲାଙ୍ଗିର ଜିଲ୍ଲା କଂଟାବାଂଜି ଅବକାରୀ ବିଭାଗ ଦ୍ୱାରା ପାଟ୍ରୋଲିଂଗ ବେଳେ କଂଟାବାଂଜି ଥାନା ସର୍ଗିଗୁଡା ଗାଁରୁ ଜଣେ ମହିଳାଙ୍କଠାରୁ ୬ କେଜି ୧୫୦ଗ୍ରାମ ଗଂଜେଇ ଜବତ କରି ମହିଳାକୁ କୋର୍ଟ ଚାଲାଣ କରିଥିବା ଜଣାପଡିଛି । ମିଳିଥିବା ସୂଚନା ଅନୁସାରେ ମଙ୍ଗଳବାର ଦିନ କଂଟାବାଂଜି ଅବକାରୀ ବିଭାଗ ପେଟ୍ରୋଲିଂଗ କରୁଥିବା ବେଳେ କୌଣସି ସୂତ୍ରରୁ ଖବର ପାଇ ସର୍ଗିଗୁଡା ଗାଁର ସୁରଭି ନାଗଙ୍କ(୩୭)ଠାରୁ ୬ କେଜି ୧୫୦ ଗ୍ରାମ ଗଂଜେଇ ଜବତ କରିଛି । ଅଭିଯୁକ୍ତ ନାଗକୁ ଘଟଣାସ୍ଥଳରେ ଗିରଫ ପରେ ଅବକାରୀ ଥାନା କେସ ନଂ. ୬୩/୫.୩.୨୦୨୩-୨୪ ରୁଜୁ କରି କୋର୍ଟ ଚାଲାଣ କରିଛି । ଜାମିନ ନାମଂଜୁର ହେବାରୁ ସ୍ଥାନୀୟ ସବ୍ ଜେଲକୁ ପଠାଯାଇଥିବା ଅବକାରୀ ବିଭାଗ ସୂଚନା ଦେଇଛି । ଏହି ଚଢଉରେ ଅବକାରୀ ଇନ୍ସପେକ୍ଟର ସଚିନ ବେହେରା, ଏଏସ୍ଆଇ ଆର୍ତ୍ତତ୍ରାଣ ବୋହିଦାର, କନେଷ୍ଟେବଳ ଦେବାର୍ଚ୍ଚନ ଭୋଇ, ରଂଜନ ମିଶ୍ର, ଆଶିଷ କୁମାର ପଟେଲ, ମମତା ବେହେରା ସାମିଲ ଥିଲେ ।