ମୋହନା : ମୋହନା ଗଜପତି ଜିଲ୍ଲା ଅଡବା ଥାନା ବୁଢାନେଲ୍ଡି ଗାଁର ପ୍ରମୋଦ ମଲିକଙ୍କ ଘରୁ ୩ଟି ଦେଶୀ ବନ୍ଧୁକ ଜବତ କରିଛି ପୋଲିସ । ଆଜି ସକାଳେ ଦେଶୀ ବନ୍ଧୁକ ଥିବା ନେଇ କୌଣସି ସୂତ୍ରରୁ ଖବର ପାଇଥିଲା ଅଡବା ପୋଲିସ । ସୂଚନା ଅନୁସାରେ ବୁଢାନେଲ୍ଡି ଗାଁକୁ ଯାଇ ପ୍ରମୋଦ ମଲିକଙ୍କ ଘରେ ଚଢ଼ାଉ କରିଥିଲା । ଚଢ଼ାଉ ପରେ ଘରେ ୩ଟି ଦେଶୀ ବନ୍ଧୁକ ଠାବ କରିଥିଲା ପୋଲିସ । ତେବେ ପୋଲିସ ଯିବାର ଖବର ପାଇ ପ୍ରମୋଦ ଗାଁରୁ ଫେରାର୍ ହୋଇଯାଇଛନ୍ତି । ଦେଶୀ ବନ୍ଧୁକ ଜବତ କରି ପୋଲିସ ତଦନ୍ତ କରୁଛି । ତେବେ ଜଙ୍ଗଲରେ ପଶୁ ପକ୍ଷୀ ଶିକାର କରିବା ପାଇଁ ପ୍ରମୋଦ ମଲିକ ଘରେ ବନ୍ଧୁକ ରଖିଥିବା ସୂଚନା ମିଳିଛି ।