ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଅଞ୍ଚଳ କଲେଜ ପାଖରେ ଥିବା ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡ଼ିୟମରେ ଦିନିକିଆ ବେଡ଼ମିଣ୍ଟନ ପ୍ରିମିୟର ଲିଗ ଆଜି ଇଣ୍ଡୋର ଷ୍ଟାଡ଼ିୟମ ବେଡ଼ମିଣ୍ଟନ କମିଟିର ସଭାପତି ସୁନୀଲ କୁମାର ସାହୁଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି । ବଣିକ ସଂଘ ସଭାପତି ପ୍ରତାପ ମିଶ୍ର, ବାବୁଲୁ ଖାନ, ମିଳୁ ସାହୁ ଅତିଥି ଭାବରେ ଯୋଗଦେଇ ଏହି ଟୁର୍ଣ୍ଣାମେଣ୍ଟକୁ ଶୁଭ ଉଦ୍ଘାଟନ କରିବା ସହ ଖେଳାଳିଙ୍କୁ ଉତ୍ସାହିତ କରିଥିଲେ । ଉକ୍ତ ଟୁର୍ଣ୍ଣାମେଣ୍ଟରେ ରାଜ୍ୟ ତଥା ରାଜ୍ୟ ବାହାରୁ ମୋଟ ୬୦ଟି ଟିମ ଅଂଶ ଗ୍ରହଣ କରିଥିଲେ । ଉଦ୍ଘାଟନୀ ମେଚ୍ରେ ପାଟଣାଗଡ଼ ଓ ପାଇକମାଲ, କଣ୍ଟାବାଞ୍ଜି ଓ ମହାସମୁନ୍ଦ ମଧ୍ୟରେ ଖେଳ ଆରମ୍ଭ ହୋଇଥିଲା । ରିତେଶ ସାହୁ ଓ ଦୀପକ ଅଗ୍ରୱାଲ ଅମ୍ପାୟାରିଂ ଦାୟିତ୍ୱ ତୁଲାଇଥିବା ବେଳେ ବଂଶୀ ଅଗ୍ରୱାଲ, କିଶୋର ପାତ୍ର, ହରିଶଙ୍କର ସିଂ, ନିପୁନ, ଆକିପ, ରାଜେଶ, ଅମିତ ବୌଧିପ୍ତ, ସ୍ମୃତି ରଞ୍ଜନ, ସୋମନାଥ, ସୁଧୀର ପ୍ରମୁଖ ସହଯୋଗ କରିଥିଲେ । ଶେଷରେ ସମ୍ପାଦକ ଏମଡି ସଲମାନ ଧନ୍ୟବାଦ ଅର୍ପଣ କରିଥିଲେ ।