ବଲାଙ୍ଗିର, (ଦେବାଶିଷ ମିଶ୍ର) : ସ୍ଥାନୀୟ ଶାସ୍ତ୍ରୀନଗର ଠାରେ ଆଶ୍ରା ଆଶ୍ରମ ଠାରେ ସ୍ୱର୍ଗତ କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ଆତ୍ମା ଶାନ୍ତି ଉଦ୍ଦେଶ୍ୟରେ ଏକ ସ୍ମୃତିସଭା ପାଳିତ ହୋଇଯାଇଛି । ଡ. ବି.ଆର୍. ଆମ୍ବେଦକର ସେବା ସଂଘ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ସ୍ୱର୍ଗତ କଣ୍ଠଶିଳ୍ପୀଙ୍କ ସ୍ମୃତିଚାରଣ ପରେ ଆଶ୍ରମ ବାସିନ୍ଦା ଭିନ୍ନକ୍ଷମ ଛାତ୍ରଛାତ୍ରୀମାନଙ୍କୁ ରନ୍ଧା ଖାଦ୍ୟ ବଣ୍ଟନ କରାଯାଇଥିଲା । ଏହି ଅବସରରେ ସଂଘ ପକ୍ଷରୁ ଅନିଲ ମୁଗ୍ରୀ, ସ୍ୱାଗତ କୁମ୍ଭାର, ପିଣ୍ଟୁ କୁମ୍ଭାର, ପ୍ରିୟଙ୍କା କୁମ୍ଭାର, ପିଣ୍ଟୁ, ଯଶୋବନ୍ତ ଓ ଅନ୍ୟ ସାଥୀମାନେ ଉପସ୍ଥିତ ରହି ଅମର ଆତ୍ମାକୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।