ବଲାଙ୍ଗିର, (କେପିଏନ୍ଏସ୍) : ସବୁ ମସୟରେ ଚର୍ଚ୍ଚାରେ ଥାଏ ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସପିଟାଲ । ମୁଖ୍ୟତଃ ହସପିଟାଲ ପରିସରରୁ ଚୋରି ଘଟଣା ସବୁ ସମୟରେ ଅଧିକ ଚର୍ଚ୍ଚାରେ ଆସିଥାଏ । କେତେବେଳେ ବାଇକ୍ ଚୋରି ହୋଇଥାଏ ତ ଆଉ କତେବେଳେ ମୋବଇଲ ଫୋନ୍ ସହ ଅନ୍ୟ ମୂଲ୍ୟବାନ ଜିନିଷ ମଧ୍ୟ ଚୋରି ହୋଇଥାଏ । ଠିକ୍ ସେହିଭଳି ଆଜି ମଧ୍ୟ ଦୁଇ ଜଣ ଦୁବୃର୍ତ୍ତ ଏକ ବାଇକକୁ ଚୋରି କରିବା ପାଇଁ ଉଦ୍ୟମ କରୁଥିଲେ । ଉପସ୍ଥିତ ଲୋକେ ଦୁଇ ଜଣ ଦୁର୍ବୃତ୍ତକୁ କାବୁ କରି ପୋଲିସ ଜିମାରେ ଦେଇଥିଲେ । ବଲାଙ୍ଗି ଟାଉନ ପୋଲିସ ଏକ ମାମଲା ରୁଜୁ କରି ଦୁଇ ଜଣଙ୍କୁ ଗିରଫ କରିବା ସହ କୋର୍ଟ ଚାଲଣ କରିଥିବା ନେଇ ଜଣାପଡ଼ିଛି । ଗିରଫ ଦୁଇ ଜଣ ବାଇକ ଚୋର ହେଲେ ଶିକାଛିଡ଼ା ଓ ରାଧାରଣୀ ପଡ଼ାର ଭାଗିରଥୀ ଠେଲା ଓ ବ୍ୟାସଦେବ ମଲ୍ଲିକ ।