ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ ସୂର୍ଯ୍ୟନଗର ସ୍ଥିତ ସ୍ୱଧାର ଗୃହର ଅନ୍ତେବାସୀଙ୍କ ଗହଣରେ ବିଶ୍ୱ ମହିଳା ଦିବସ ଓ ହୋଲି ଉତ୍ସବ ବହୁ ହସଖୁସିରେ ପାଳନ କରାଯାଇଛି । ମାହେଶ୍ୱରୀ ସଂଗଠନ ମହିଳା ଶାଖାର ସହ ସଂଯୋଜିକା କ୍ରିତିକା ଅଗ୍ରୱାଲଙ୍କ ତତ୍ୱାବଧାନରେ ଏକ ବୈଠକ ମଧ୍ୟ ଅନୁଷ୍ଠିତ ହୋଇଥିଲା । ମାହେଶ୍ୱରୀ ସଂଗଠନ ମହିଳା ଶାଖାର ଇଶିକା ଦାସ, ସୁଷମା ବହିଦାର, ସୁପ୍ରମା ବହିଦାର, ବୈଶାଳୀ ବହିଦାର ମହିଳାମାନଙ୍କ ପ୍ରତି ହେଉଥିବା ବିଭିନ୍ନ ନିର୍ଯ୍ୟାତନା ବିରୋଧରେ ନିଜ ବକ୍ତବ୍ୟ ରଖିଥିଲେ ଏବଂ ଅନ୍ତେବାସୀମାନଙ୍କୁ ନିଜ ଜୀବନରେ ସଫଳ ହେବା ପାଇଁ ଉତ୍ସାହିତ କରିଥିଲେ । ବୈଠକ ପରେ ଅନ୍ତେବାସୀମାନଙ୍କ ସହିତ ହୋଲି ଖେଳି ଏହି ଶୁଭ ଦିନଟିକୁ ପାଳନ କରାଯାଇଥିଲା । ଏହି କାର୍ଯ୍ୟକମକୁ ସଫଳ କରାଇବା ପାଇଁ ସ୍ୱଧାର ଗୃହର ଉଚ୍ଚାଟନନ୍ଦ ମହାକୁର ସହଯୋଗ କରିଥିଲେ । ମାହେଶ୍ୱରୀ ସଂଗଠନର ନିର୍ଦ୍ଦେଶକ ଅଙ୍କୁଶ କୁମାର ପାଣ୍ଡିଆ ସଭାପତି ଶୋଭନ କୁମାର ଅଗ୍ରୱାଲ ସଂଯୋଜକ ସୌମ୍ୟରଞ୍ଜନ ପଣ୍ଡା, ସୋମନାଥ ଘିଭେଲା, ଜତିନ୍ଦ୍ର କୁମାର ସାହୁ, କରନ ବେହେରା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ ।