ପଦ୍ମପୁର, (ନିରୋଜ କୁମାର ପାଣୀ) : ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଗାଇସିଲେଟ ବ୍ଲକ ସର୍ଗିପାଲି ଗ୍ରାମ ଆନ୍ତଃରାଷ୍ଟ୍ରୀୟ ହିନ୍ଦୁ ପରିଷଦର ପ୍ରାନ୍ତୀୟ କାର୍ଯ୍ୟକର୍ତ୍ତା ମନୋରଞ୍ଜନ ସାହୁଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ଥିବା ଜଣାପଡିଛି । ସୂଚନା ଅନୁସାରେ ଗତ ରବିବାର ଦିନ ସକାଳ ସମୟରେ ନିଜ ମୋଟର ସାଇକେଲରେ ସାମାଜିକ କାର୍ଯ୍ୟରେ ଯାଉଥିବା ବେଳେ ଏକ ସଡ଼କ ଦୁର୍ଘଟଣାରେ ଶ୍ରୀ ସାହୁଙ୍କ ଡାହାଣ ଗୋଡ ଭାଙ୍ଗିଯାଇ ବଲାଙ୍ଗିର ସ୍ଥିତ ସମ୍ବଲେଶ୍ୱରୀ ହସ୍ପିଟାଲରେ ଚିକିତ୍ସାଧୀନ ଅଛନ୍ତି । ଆଜି ଆନ୍ତଃରାଷ୍ଟ୍ରୀୟ ହିନ୍ଦୁ ପରିଷଦ ବରଗଡ ବିଭାଗ ସଂଗଠନର ମନ୍ତ୍ରୀ ସୁଶୀଲ ସେଠି ପଶ୍ଚିମ ପ୍ରାନ୍ତର ସହସମ୍ପାଦକ ହେମନ୍ତ ମେହେର ଶ୍ରୀ ସାହୁଙ୍କ ଆଶୁ ଆରୋଗ୍ୟ କାମନା କରି ଉନ୍ନତ ଚିକିତ୍ସା ପାଇଁ ଡାକ୍ତର ସିଦ୍ଧାର୍ଥଙ୍କ ସହିତ ଆଲୋଚନା କରିଥିଲେ । ପରେ ଦେବୀ ମା’ଙ୍କ ପ୍ରସିଦ୍ଧ ପୀଠ କୁସୁଙ୍ଗେଇଙ୍କ ପାଖରେ ପୂଜା ଅର୍ଚ୍ଚନା କରି ମନୋରଞ୍ଜନ ସାହୁଙ୍କ ଶୀଘ୍ର ଆରୋଗ୍ୟ କାମନା କରିଥିଲେ ।