ବଲାଙ୍ଗିର, (କେପିଏନ୍ଏସ୍) : ବଣୁଆ ହାତୀ ଧାନ ନଷ୍ଟ କଲା, ଘର ଭାଙ୍ଗିଲା । ଏଭଳି ଏକ ଅଭିଯୋଗ ହୋଇଛି ବଲାଙ୍ଗିର ବ୍ଲକ ଅନ୍ତର୍ଗତ ବନ୍ଧକେରା ଗାଁରେ । ଅଭିଯୋଗ ଅନୁସାରେ ଗାଁର ଜଗନ୍ନାଥ ତ୍ରିପାଠୀଙ୍କ ଖଳାରେ ଥିବା ପାଖାପାଖି ୪୦ ହଜାର ଟଙ୍କା ଧାନ ନଷ୍ଟ କରିବା ସହ ଖଳା ପାଖରେ ଥିବା ଘରକୁ ମଧ୍ୟ ଭାଙ୍ଗି ଦେଇଛି ହାତୀ । ସୂଚନାଯୋଗ୍ୟ ଯେ, ୨ରୁ ୩ ଦିନ ହେଲା ଏକ ବଣୁଆ ହାତୀ ଏହି ଅଞ୍ଚଳରେ ବୁଲୁଥିବା ବେଳେ ଚାଷୀମାନଙ୍କ ଅମଳ ହୋଇଥିବା ଧାନ ନଷ୍ଟ କରୁଥିବା ଅଭିଯୋଗ ହେଉଛି । ବନ ବିଭାଗ ତୁରନ୍ତ ଏଥିପ୍ରତି ଦୃଷ୍ଟି ଦେଇ କାର୍ଯ୍ୟାନୁଷ୍ଠାନ ପାଇଁ ଦାବୀ ହେଉଛି ।