ରାଉରକେଲା : ହାତୀ ପାଇଁ ରାତି ଅନିଦ୍ରା । ସୁନ୍ଦରଗଡ଼ ବଣାଇ ରେଞ୍ଜର ଧରଣୀଧରପାଲି, ତଳିତା ସେକ୍ସନର ସିଂଟୋଲ୍ଲା, ଦେଓଗାଁ, ଜୀବିକା, ତଳିତା, ନୂଆପାଲି, ବଣ୍ଡ ଡ଼ିହି, ସମତେ ପ୍ରାୟ ୨୦ରୁ ଅଧିକ ଗାଁରେ ଦୁଇଟି ଦନ୍ତାହାତୀ ଦୀର୍ଘ ଏକମାସ ଧରି ଉତ୍ପାତ ଚଳାଇଥିବା ସୂଚନା ମିଳିଛି । ଗାଁରେ ପଶି ଘର ଭାଙ୍ଗିବା, ଧାନ ଖାଇବା ସହିତ ଘରର ଆସବାବପତ୍ର ନଷ୍ଟ କରୁଛନ୍ତି ଦୁଇ ଦନ୍ତାହାତୀ । ଜମିର ପନିପରିବା ନଷ୍ଟ କରୁଥିବାରୁ ଅତିଷ୍ଟ ହୋଇ ପଡ଼ିଥିବା ଗ୍ରାମବାସୀ ରାସ୍ତାରୋକ କରିଥିଲେ । ବଣାଇ ଜକେଇକଲା ରାସ୍ତାରେ ନିଆଁ ଜାଳି ରାତି ସାରା ରାସ୍ତାରୋକ କରିଥିଲେ । ବନବିଭାଗ ହାତୀ ଘଉଡ଼ାଇବାରେ ବିଫଳ ହେଉଥିବା ନେଇ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।