ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ମେଳଛାମୁଣ୍ଡା ଥାନା ଅନ୍ତର୍ଗତ ବୁଢ଼ୀମାଲ ଠାରେ ଆଜି ସକାଳ ୯ଟା ସମୟରେ ବାଇକ ଓ ଲୁନା ମଧ୍ୟରେ ଧକ୍କା ହୋଇଥିଲା । ଠିକ୍ ସେ ସମୟରେ ପଦ୍ମପୁର ଯୁବ ସାମ୍ବାଦିକ ଡିଲେଶ୍ୱର ବାଗ ବିଜେପୁରରେ ହେଉଥିବା ତୃତୀୟ ପର୍ଯ୍ୟାୟ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଖବର ସଂଗ୍ରହ ପାଇଁ ବାହାରି ଥିଲେ । ଠିକ୍ ସେ ସମୟରେ ଦୁର୍ଘଟଣା ହୋଇଥିବା ଜାଗାରେ ଅଟକି ଆହତ ଓ ଗୁରୁତର ବ୍ୟକ୍ତିଙ୍କୁ ଆମ୍ବୁଲାନ୍ସ ଯୋଗେ ପଦ୍ମପୁର ଡାକ୍ତରଖାନାକୁ ନେଇଥିଲେ । ସୂଚନା ମୁତାବକ ଲୁନା ଚାଳକ ଓ ବାଇକ ଚାଳକ ମଧ୍ୟରେ ବୁଢ଼ୀମାଲ ଛକଠାରେ ଧକ୍କା ହୋଇଥିଲା ।ଲୁନା ଗାଡ଼ିରେ ଦୁଇଜଣ ବସିଥିଲେ ଜୟଲାଲ ପଟେଲ ଓ ସାଗର ବାଉଁଶ ଦୁହେଁ ବରଗଡ ପାଖ ତାଳ ସିର୍ଗିଡାର ଅଟନ୍ତି ଅନ୍ୟ ବାଇକ ଚାଳକ ସୁରଜ ଖମାରି ମାୟାବର୍ହା, ରାମପୁରର ଅଟନ୍ତି । ଲୁନା ଗାଡି ଚାଳକଙ୍କ ମୃତ୍ୟୁ ହୋଇଥିବା ପଦ୍ମପୁର ଡାକ୍ତର ସୂଚନା ଦେଇଛନ୍ତି । ଯୁବ ସାମ୍ବାଦିକଙ୍କ ଏହି ମହାନ କାମକୁ ଏବେ ଅଞ୍ଚଳରେ ବେଶ ପ୍ରଶଂସା କରୁଛନ୍ତି ।