ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର-ପାଟଣାଗଡ଼ ଜାତୀୟ ରାଜପଥରେ କିଛି ସମୟ ତଳେ ଏକ ମର୍ମନ୍ତୁଦ ଦୁର୍ଘଟଣା ଘଟିଥିବା ଜଣାପଡ଼ିଛି । ଏକ ଗ୍ଲେମର୍ ମୋଟର ସାଇକେଲରେ ଯାଉଥିବା ଯୁବକ ବାରପୁର୍ଗିଆ ପାଖ ଢେକାପାଲି ଛକ ନିକଟରେ ଭାରସାମ୍ୟ ହରାଇ ପଡ଼ି ଯାଇଥିବା ବେଳେ ଅତ୍ୟନ୍ତ ଗୁରୁତର ଭାବେ ଆହତ ହୋଇଥିବା କୁହାଯାଇଛି । ତେବେ ଆମ୍ବୁଲେନ୍ସକୁ ଡକାଇ ରାସ୍ତାରେ ଯାଉଥିବା ଲୋକେ ତାଙ୍କୁ ବଲାଙ୍ଗିର ମୁଖ୍ୟ ଚିକିତ୍ସାଳୟକୁ ପଠାଇଥିବା କୁହାଯାଇଛି । ଦୁର୍ଘଟଣାଗ୍ରସ୍ତ ହୋଇଥିବା ଯୁବକଙ୍କ ନାମ ଜଣା ପଡ଼ି ନଥିବା ବେଳେ ତାଙ୍କ ଗ୍ଲେମର ମୋଟର ସାଇକେଲ ନଂ.ଓଡ଼ି୦୩ସି-୭୩୧୧ ବୋଲି ଜଣାପଡ଼ିଛି । ଇ-ଓଡ଼ିଶା ପରିବହନ ବିଭାଗର ତଥ୍ୟ ଅନୁସାରେ ସଂପୃକ୍ତ ଗାଡ଼ି ସନ୍ତୋଷ ସାହୁଙ୍କ ନାମରେ ରହିଛି ।
