jayashree

ମୁହାଁମୁହିଁ ୨ ବାଇକ୍‌ ଧକ୍କା : ଉଭୟ ଆରୋହୀ ଗୁରୁତର

  • ସ୍ଥାନୀୟ ଲୋକଙ୍କ ସହାୟତାରେ ଗଲେ ସ୍ୱାସ୍ଥ୍ୟକେନ୍ଦ୍ର

ବୈପାରୀଗୁଡ଼ା, (ବିକ୍ରାନ୍ତ କୁମାର ବେବର୍ତ୍ତା) : ରାଞ୍ଚି ବିଜୟୱାଡ଼ା ତଥା ୩୨୬ ନମ୍ବର ଜାତୀୟ ରାଜପଥ ଥାନା ଠାରୁ ଅଳ୍ପଦୂର ମଶାଣୀ ଛକ ନିକଟରେ ଆଜି ଅପରାହ୍ନ ପ୍ରାୟ ସାଢେ ୫ଟା ସମୟରେ ଏକ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଉଭୟ ବାଇକ୍‌ ଚାଳକ ଗୁରୁତର ହୋଇ ବୈପାରିଗୁଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଥିବାର ଦେଖିବାକୁ ମିଳିଛି । ତେବେ ଉଭୟଙ୍କ ପରିଚୟ ମିଳିପାରିନାହିଁ । ସୂଚନା ଅନୁସାରେ ମାଲକାନଗିରି ପଟରୁ ଏକ ବାଇକ୍‌ ନଂ ଓଡି ୧୦ ଏସ୍‌ ୦୮୪୪ ବୈପାରିଗୁଡା ଆସୁଥିବା ବେଳେ ଏପଟରୁ ବାଇକ୍‌ ନଂ ଓଡି ୧୯ଟି ୭୭୪୦ ମାଲକାନଗିରି ରାସ୍ତା ଆଡେ ଯାଉଥିବା ସମୟରେ ମଶାଣୀ ପାଖରେ ୨ ବାଇକ୍‌ ମୁହାଁମୁହିଁ ଧକ୍କା ହୋଇଛି । ପୋଲିସ ପକ୍ଷରୁ ରାସ୍ତା ଉପରେ ରଖାଯାଇଥିବା ଷ୍ଟପ୍‌ ବୋର୍ଡ ପାଖରେ ଉଭୟ ବାଇକ୍‌ ଯାଉଥିବା ବେଳେ ଏହି ଦୁର୍ଘଟଣା ଘଟିଥିବାର ଶୁଣିବାକୁ ମିଳିଛି । ସ୍ଥାନୀୟ କିଛି ଲୋକ ଏକ ବୋଲେରୋ ଗାଡିରେ ଆହାତ ବ୍ୟକ୍ତିକୁ ନେଇ ସ୍ୱାସ୍ଥ୍ୟକେନ୍ଦ୍ର ପହଞ୍ଚିଥିଲେ । ପୋଲିସ ଘଟଣାସ୍ଥଳକୁ ଯାଇ ତଦନ୍ତ କରିବା ସହ ୨ ବାଇକ୍‌ ଜବତ କରି ଦୁର୍ଘଟଣା କେମିତି ଘଟିଲା ତାହାର ତଦନ୍ତ କରୁଥିବାର ଜଣାପଡିଛି ।

Leave A Reply

Your email address will not be published.