ଖୋର୍ଦ୍ଧା : ଖୋର୍ଦ୍ଧା ଜିଲ୍ଲାର ବାଲୁଗାଁ ୧୬ ନଂ ଜାତୀୟ ରାଜପଥର ଖଡ଼ିକାପଲି ଛକରେ ଘଟିଛି ଏକ ମର୍ମନ୍ତୁଦ ଦୁର୍ଘଟଣା । ବାଇକ୍କୁ ପଛପଟୁ ଧକ୍କା ଦେଲା ଟ୍ରକ୍ । ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ଆହତ ବ୍ୟକ୍ତିକୁ ଉଦ୍ଧାର କରି ବାଲୁଗାଁ ମେଡିକାଲ ଭର୍ତ୍ତି କରିଛନ୍ତି ସ୍ଥାନୀୟ ଲୋକମାନେ । ମୃତକ ୨ ଜଣ ହେଲେ ବାଲୁଗାଁ ସ୍ଥିତ ବିଶ୍ୱାଳ ସାହିର ରିତେଶ ବେହେରା ଓ ଗଣେଶ ବାରିକ ବୋଲି ଜଣାପଡିଛି । ଅନ୍ୟପଟରେ ଗୁରୁତର ଆହତ ଜଣକ ଶଙ୍କର ବେହେରା । ଏପଟେ ମୃତକ ପରିବାର କ୍ଷତି ପୂରଣ ଦାବିରେ ରାଜରାସ୍ତା ଉପରେ ବସିରହି ରାସ୍ତା ଅବରୋଧ କରିଛନ୍ତି । ଯାହା ଫଳରେ ବ୍ରହ୍ମପୁର-ଭୁବନେଶ୍ୱର ଏନ୍ଏଚ୍ ୧୬ ରାସ୍ତାରେ ଚକାଜାମ୍ ହୋଇଛି । ଶହ ଶହ ଗାଡି ମୋଟର ରାସ୍ତାରେ ଅଟକି ରିଂଛି । ବାଲୁଗାଁ ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି ।