କୋଣାର୍କ : କୋଣାର୍କ ଜୁଣେଇ ଛକରେ ମର୍ମନ୍ତୁଦ ସଡ଼କ ଦୁଘଁଟଣା । ଭାରସାମ୍ୟ ହରାଇ ଗଛକୁ ପିଟିଲା କାର୍ । ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଥିବା ଜଣେ ବ୍ୟକ୍ତି ଗୁରୁତର ହୋଇଛନ୍ତି । ଖବର ଅନୁଯାୟୀ, ବିଳମ୍ବିତ ରାତିରେ ୩ ସାଙ୍ଗ କୋଣାର୍କକୁ ବୁଲିବାକୁ ଆସିଥିଲେ । ଏହି ସମୟରେ କୋଣାର୍କ ଜୁଣେଇ ନିକଟରେ ଗାଡିଟି ଭାରସାମ୍ୟ ହରାଇ ରାସ୍ତାକଡରେ ଥିବା ଗଛରେ ପିଟି ହୋଇଥିଲା । ମୃତ ୨ ଜଣ ହେଲେ ଭୁବନେଶ୍ୱରର ପ୍ରଦୀପ ବେହେରା ଏବଂ କଣ୍ଟାପଡ଼ା ଅଞ୍ଚଳର ବିଶ୍ୱଜିତ ସାହୁ ବୋଲି ଜଣାପଡିଛି । ବାକି କାର୍ ଚାଳକ ତପନ କୁମାର ସାହୁଙ୍କୁ ଗୁରୁତର ଅବସ୍ଥାରେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ଗୁରୁତର ଥିବାରୁ ଭୁବନେଶ୍ୱରକୁ ସ୍ଥାନାନ୍ତରିତ କରାଯାଇଛି । ଦୁର୍ଘଟଣାସ୍ଥଳରେ କୋଣାର୍କ ପୋଲିସ ପହଞ୍ଚି ତଦନ୍ତ ଜାରି ରଖିଛି ।