centurian jitm

ବିଜ୍ଞାନ ଶିକ୍ଷକଙ୍କ ମାଡରେ ୬ଛାତ୍ର ଗୁରୁତର : କଣ୍ଟାବାଞ୍ଜି ହସ୍ପିଟାଲରେ ଭର୍ତ୍ତି

ତୁରେକେଲା, (କୈଳାସ ସଗ୍ରିଆ) : ଦଣ୍ଡ ମୁକ୍ତ ଅଞ୍ଚଳରେ ଛାତ୍ରଛାତ୍ରୀଙ୍କୁ ଦଣ୍ଡ । ବିଜ୍ଞାନ ଶିକ୍ଷକଙ୍କ ଆଖିବୁଜା ମାଡ଼ରେ ଛଅଜଣ ଛାତ୍ର ଗୁରୁତର ହୋଇ କଣ୍ଟାବାଞ୍ଜି ଡାକ୍ତରଖାନାରେ ଭର୍ତ୍ତି । ଏଭଳି ଏକ ଘଟଣା ଘଟିଛି ତୁରେକେଲା ବ୍ଲକ ଚଟୁଅନକା ପଂଚାୟତର ଚଟୁଅନକା ଉନ୍ନୀତ ଉଚ୍ଚ ବିଦ୍ୟାଳୟରେ । ମିଳିଥିବା ସୂଚନା ଅନୁସାରେ ଗତ ଶୁକ୍ରବାର ସକାଳେ ପୁସ୍ତକ ଉନ୍ମୋଚନ କାର୍ଯ୍ୟକ୍ରମ ଚାଲୁଥିବା ସମୟରେ ସେହି ସ୍କୁଲର ବିଜ୍ଞାନ ଶିକ୍ଷକ ପ୍ରଭାତ ହରପାଳ ବାଡ଼ିରେ ଉକ୍ତ ବିଦ୍ୟାଳୟର ୬ଜଣ ଛାତ୍ରଙ୍କୁ ପ୍ରବଳ ମାଡ଼ ମାରିଥିବା ଅଭିଯୋଗ ହୋଇଛି । ଛାତ୍ରମାନଙ୍କ ଗୋଡ, ହାତ ଓ ମୁହଁ ଫୁଲି ଯାଇଥିବା ବେଳେ ବାଡ଼ିର ଦାଗ ଜଳ ଜଳ ହୋଇ ଦେଖିବାକୁ ମିଳିଛି । ପରେ ଖବର ପାଇ ଅଭିଭାବକମାନେ ସ୍କୁଲରେ ପହଂଚି ହୋ-ହାଲ୍ଲା ହୋଇ ଥିଲେ ଓ ଏହା ପରେ କଣ୍ଟାବାଞ୍ଜି ପୋଲିସ ଘଟଣା ସ୍ଥଳରେ ପହଂଚି ବୁଝାସୁଝା କରିଥିଲେ । ପରେ ଛାତ୍ରମାନଙ୍କୁ କଣ୍ଟାବାଞ୍ଜି ହସ୍ପିଟାଲରେ ଭର୍ତ୍ତି କରାଯାଇଥିଲା । ଅନ୍ୟପଟେ ସମୃକ୍ତ ବିଜ୍ଞାନ ଶିକ୍ଷକଙ୍କୁ ସେହି ସ୍କୁଲରୁ ବାହାର କରିବା ସହ ତାଙ୍କୁ ଆଇନ ଅନୁସାରେ ନିଲମ୍ବନ କରିବାକୁ ଅବିଭାବକମାନେ ଦାବୀ କରିଛନ୍ତି । ସିଆରସିସି ଅମରେନ୍ଦ୍ର ବାଗ ଘଟଣାର ତଦନ୍ତ କରୁଥିବା ସୂଚନା ମିଳିଛି । ବିଇଓଙ୍କ ପ୍ରତିକ୍ରିୟା ମିଳି ପାରିନାହିଁ ।

Leave A Reply

Your email address will not be published.