ବଲାଙ୍ଗିର, (କେପିଏନ୍ଏସ୍) : ତରଭା ଥାନା ଅନ୍ତର୍ଗତ ବୁଢାଖମନ ଗାଁଠାରେ ଅଜଣା ବାଇକ୍ ଧକ୍କାରେ ଜଣେ ବ୍ୟକ୍ତି ଗୁରୁତର ଅବସ୍ଥାରେ ବଲାଙ୍ଗିର ମେଡିକାଲରେ ଭର୍ତ୍ତି ହୋଇଥିବା ଜଣାପଡିଛି । ସୂଚନା ଅନୁସାରେ ବୁଢାଖମନ ଗାଁର ଦେବରାଜ ମାଝୀ(୫୨) ସେ କୌଣସି କାମରେ ଗାଁ ଛକକୁ ଯାଉଥିବା ବେଳେ ଏକ ଅଜଣା ବାଇକ୍ଟି ତାଙ୍କୁ ପଛ ପଟୁ ଧକ୍କା ଦେଇଥିଲା । ଘଟଣାସ୍ଥଳରୁ ବାଇକ୍ ଚାଳକ ଜଣକ ଫେରାର୍ ମାରିଥିଲେ । ଘଟଣାସ୍ଥଳରୁ ତାଙ୍କୁ ଗୁରୁତର ଅବସ୍ଥାରେ ପରିବାର ଲୋକେ ଉଦ୍ଧାର କରି ବଲାଙ୍ଗିର ଭୀମଭୋଇ ମେଡିକାଲ କଲେଜ ଓ ହସପିଟାଲକୁ ଆଣି ଚିକିତ୍ସା କରାଇଥିଲେ । ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିବା ଜଣାପଡିଛି ।