ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ମିଠାପାଲି ଗ୍ରାମର ବରିଷ୍ଠ ସାମ୍ବାଦିକ ତଥା ଗନ୍ଧମାର୍ଦ୍ଦନ ଆନ୍ଦୋଳନର ବରିଷ୍ଠ କର୍ମୀ ଡିଗ୍ରୀଧର ସାହୁଙ୍କ ଗତ ୮ ତାରିଖ ରବିବାର ଦିନ ସକାଳ ସମୟରେ ପାଇକମାଲ ଧାନ ମଣ୍ଡିକୁ ଧାନ ବିକ୍ରି କରିବା ପାଇଁ ସାଇକେଲ ଯୋଗେ ଯାଉଥିବା ବେଳେ ଦୁର୍ଘଟଣା ହୋଇଥିଲେ । ତାଙ୍କୁ ସାଙ୍ଗେ ସାଙ୍ଗେ ଆମ୍ବୁଲାନ୍ସ ଯୋଗେ ନୂଆପଡ଼ା ଜିଲ୍ଲା ସରକାରୀ ଡାକ୍ତରଖାନାକୁ ଚିକିତ୍ସା ନିମିତ୍ତ ନିଆଯାଇଥିଲା । ସେଠାରେ ଚିକିତ୍ସାଧିନ ଥିବା ବେଳେ ଆଜି ପଦ୍ମପୁର ଉପଖଣ୍ଡ ସାମ୍ବାଦିକ ସଂଘର କର୍ମକର୍ତ୍ତା ଯାଇ ଭେଟିଥିଲେ । ସଂଘର ସଭାପତି ବଡ଼ ଶତପଥୀ, ସୁରଥ ସାହୁ, ଧିରେନ ମହାନ୍ତି, ମାନସ ରଂଜନ ନାୟକ, ନିରୋଜ ପାଣି, କୁଞ୍ଜ ବିହାରୀ ସାହୁ, ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦ ଆବାହକ ଦୁର୍ଯ୍ୟୋଧନ ପୁଟା ଯାଇ ଭେଟିଥିଲେ । ଏହା ସହ ନୂଆପଡ଼ା ସାମ୍ବାଦିକ ଯୁଧିଷ୍ଠିର ପଟେଲ ମଧ୍ୟ ଖବର ପାଇଁ ପହଞ୍ଚିଥିଲେ । ପ୍ରଭୁ ନୃସିଂହ ଠାକୁରଙ୍କ ଠାରେ ପ୍ରାର୍ଥନା ମନେ କରି ଆଶୁ ଆରୋଗ୍ୟ କାମନା କରିଥିଲେ ।