ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡର ବିଭିନ୍ନ ମଠରେ ଗିରି ଗୋବର୍ଦ୍ଧନ ପୂଜା ଅନୁଷ୍ଠିତ ହୋଇଯାଇଛି । ବଡଖମାର ସ୍ଥିତ ବରାହପଦର ମଠ, ବାଗବର ସ୍ଥିତ ଚନ୍ଦ୍ରମଣି ମଠ, ଖଣ୍ଡହତା ପଞ୍ଚାୟତର ସୁନାରିବେନି ମଠ, ଟିଠିପାଲିର ରାଧେଶ୍ୟାମ ଆଶ୍ରମ, ଚନ୍ଦଳି ମଠ, ରିଜୁମୁଣ୍ଡା ମଠ, ସୁବଳୟା ସ୍ଥିତ ରାଧାକୃଷ୍ଣ ମଠ, ଅମରପାଲି, ଭାଲଡୁଙ୍ଗୁରି, କୁନ୍ଦପାଳ ନିକଟସ୍ଥ ଦେଉଳଝରି, ସାହଜଲଥା ସ୍ଥିତ ମୟୂରକଟା ମଠ, ଜନକପୁର ସ୍ଥିତ ଗୋପାଳଜି ମଠ, ପଧାନପାଲି ନିକଟସ୍ଥ ନରସିଂହଖମନ ମଠ ଆଦି ବିଭିନ୍ନ ସ୍ଥାନରେ ବୁଧବାର ଗୋବର୍ଦ୍ଧନ ପୂଜା ଅନୁଷ୍ଠିତ ହୋଇଯାଇଛି । ଶ୍ରଦ୍ଧାଳୁ ଭକ୍ତମାନେ ନିଷ୍ଠାର ସହ ରାଧାକୃଷ୍ଣଙ୍କ ପୂଜାର୍ଚ୍ଚନା କରିଥିଲେ । ବିଭିନ୍ନ ସ୍ଥାନରେ ଅଷ୍ଟ ପ୍ରହରୀ ନାମ ଯଜ୍ଞ ମଧ୍ୟ ଅନୁଷ୍ଠିତ ହୋଇଥିଲା ।