ଖୋର୍ଦ୍ଧା : ଟାଉନ ଥାନା ପୋଲିସ ସୋମବାର ପାନ ବରଜ ନିକଟରେ ଅବସ୍ଥିତ ଏକ ଘରୋଇ ସ୍କୁଲ ନିକଟରୁ ୫ ଜଣ ନିଶା ବେପାରୀଙ୍କୁ ଗିରଫ କରିବା ସହ ତାଙ୍କ ଠାରୁ ୧୦ ଗ୍ରାମ ବ୍ରାଉନସୁଗାର ଓ ଦୁଇ ବାଇକ୍ ଜବତ କରିଥିବା ସୂଚନା ମିଳିଛି । ସୂଚନା ଅନୁସାରେ, ଗିରଫ ଅଭିଯୁକ୍ତମାନେ ହେଲେ ଉକ୍ତ ଥାନା ଅନ୍ତର୍ଗତ କଲ୍ୟାଣପୁର ଗ୍ରାମର ସନ୍ତୋଷ ରାଉତରାୟ, ପାନ ବରଜ ଗାଁର ଏସ୍. କେ ତାଲିମ୍, ଏସ. କେ ନସିମ୍, ଜରିପୁଟ ଗ୍ରାମର ମାନସ ପ୍ରଧାନ ଓ ଟାଙ୍ଗୀ ଥାନା ଅନ୍ତର୍ଗତ ହରିପୁରଶାସନ ଦଉଳସାହିର ବାଟକୃଷ୍ଣ ମହାରଣା । ଏ ଘଟଣାରେ ପୋଲିସ ଏକ ମାମଲା ରୁଜୁ କରିଛି ।