ବାଲିଗୁଡା, (ସୁରେନ୍ଦ୍ର କୁମାର ପାଣିଗ୍ରାହୀ) : କନ୍ଧମାଳ ଜିଲ୍ଲା ବାଲିଗୁଡା ଥାନା ପୋଲିସ ଏସଆଇ ଆର. ମୁଣ୍ଡାରୀଙ୍କ ସହ ସଦଳବଳ ପାଟ୍ରୋଲିଂ କରୁଥିବା ସମୟରେ ୪୦କିଲୋ ୭୦୦ଗ୍ରାମ ଗଞ୍ଜେଇ ସହ ଟାଟା ଇଣ୍ଡିଗୋ କାରନଂ. ଓନି-୦୨ଆର୍-୯୩୯୭କୁ ଜବତ କରି ତିନି ଜଣଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି । ଗିରଫ ମାଫିଆଙ୍କ ମଧ୍ୟରୁ କଟକ ସାଲେପୁର ଥାନାରେ କାର୍ୟ୍ୟରତ ହୋମଗାର୍ଡ କ୍ଷୀରୋଦ କୁମାର ସାହୁ ହୋଇଥିବା ବେଳେ ବାଲିସୁଗା ଗାଁର ପୂର୍ଣ୍ଣଚନ୍ଦ୍ର ମଲିକ ଓ ମାଦିନାଟ ଗାଁର ଶଶୀ ମଲିକ ବୋଲି ଥାନା ଅଧିକାରୀ ପ୍ରଶାନ୍ତ ବେହେରା ସୂଚନା ଦେଇଛନ୍ତି । ଏନେଇ ବାଲିଗୁଡା ଥାନାରେ କେଶ ନଂ୧୫/୨୧ରେ ମାମଲା ରୁଜୁ ହୋଇଛି । ଏସଆଇ ଦୀପକ ରାଉତ ମାମଲାର ତଦନ୍ତ କରୁଥିବା ଜଣାପଡିଛି ।