ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ପାଟଣାଗଡ଼ ରାସ୍ତାରେ ଶାନ୍ତିପଡ଼ା ପରେ ପରେ ଏକ ବ୍ରିଜ ସାମ୍ନାରେ ଏନ୍ଏଚ୍ ଉପରେ ଏକ ବିରାଟ ଗାତ ସୃଷ୍ଟି ହୋଇଥିବା ବେଳେ କୌଣସି ସମୟରେ ବି ଅଘଟଣ ଘଟି ପାରେ ବୋଲି ସାଧାରଣରେ ଆଶଂକା ଉପୁଜିଛି । ତେବେ ଗାତ ଭିତରେ ଫମ୍ପା ଅଂଶ ଦେଖା ଯାଉଥିବାରୁ କେତେ ବେଳେ କେଉଁ ଭାରି ଯାନ ଯିବା ଆସିବା ବେଳେ ମଧ୍ୟ ଏହା ଭୁଷୁଡ଼ି ଯାଇପାରେ ବୋଲି ସ୍ଥାନୀୟ ଲୋକେ ମତ ଦେଉଛନ୍ତି । ଏବେ ବି କୌଣସି ମୋଟର ସାଇକେଲର ଚକ ଗାତରେ ପଡ଼ିଗଲେ ନିଶ୍ଚିତ ଅଘଟଣ ଘଟିବ ବୋଲି କୁହାଯାଉଛି । ଏହାର ତୁରନ୍ତ ମରାମତି ପାଇଁ ଜିଲ୍ଲା ପ୍ରଶାସନକୁ ଲୋକେ ଅନୁରୋଧ କରିଛନ୍ତି ।