ସୁବର୍ଣ୍ଣପୁର, (ପ୍ରଭୁଦତ୍ତ ରଥ) : ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ନର୍ଡା ଗାଁରେ ଆଜି ରନ୍ଧନ ଗ୍ୟାସ ବିସ୍ଫୋରଣ ଘଟି ୨ ଜଣ ଗୁରୁତର ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଗାଁର କୈଳାସ ରଣାଙ୍କ ଘରେ ଘଟିଛି ଏହି ଅଘଟଣ । ରୋଷେଇ କରୁଥିବା ସମୟରେ ହଠାତ୍ ଗ୍ୟାସ ଟାଂକିରେ ହଠାତ ନିଆଁ ଲାଗିଯାଇଥିଲା । ତେବେ ନିଆଁକୁ ଆୟତ୍ତ କରିବା ପୁର୍ବରୁ ହଠାତ ଘଟିଥିଲା ବିସ୍ଫୋରଣ । ବିସ୍ଫୋରଣ ଏତେ ଯୋରଦାର ଥିଲା ଯେ କୈଳାସଙ୍କ ୨ ବଖରା ଛାତ ଘର ସମେତ ପଡୋଶୀଙ୍କ ୩ ବଖରା ଘର ସମ୍ପୂର୍ଣ୍ଣ ଧୂଳିସାତ୍ ହୋଇଯାଇଛି । ବିସ୍ଫୋରଣରେ କୈଳାସ ରଣା ଓ କିଶୋରୀ ରଣା ଗୁରୁତର ଭାବେ ଆହତ ହୋଇଛନ୍ତି । ଆହତଙ୍କୁ ଚିକିତ୍ସା ପାଇଁ ବଲାଙ୍ଗିର ମେଡିକାଲକୁ ପଠାଯାଇଛି ।
