ମନମୁଣ୍ଡା : ମନମୁଣ୍ଡା ରେଞ୍ଜ ଶଗଡା ସେକ୍ସନ ସିଗାଡି ଜଙ୍ଗଲ ଅଂଚଳରେ ଗଞ୍ଜେଇ ଚୋରା ଚାଲାଣ ପ୍ରସ୍ତୁତି ଚାଲିଥିବା ବେଳେ ମନମୁଣ୍ଡା ପୁଲିସ ଚଢାଉ କରି ୧୮ କୁଇଣ୍ଟାଲ ୨୦ କେଜି ଗଞ୍ଜାଇ ସହ ଏକ ବାଇକ ଜବତ କରିଛି । ଏଥିସହ ୨ ଜଣ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତମାନେ ହେଲେ ମନମୁଣ୍ଡା ଥାନା ଚୁହୁରାନାଲି ଗ୍ରାମର ଦୀନବନ୍ଧୁ କଂହର(୪୮) ଏବଂ ମାଳତୀ ଗୋଛପଡା ଗ୍ରାମର ଉସତ ଘିବିଲା(୨୦) । ସୂଚନା ଅନୁସାରେ ମନମୁଣ୍ଡା ରେଞ୍ଜ ଶଗଡା ସେକ୍ସନ ସିଗାଡି ଜଙ୍ଗଲ ଅଂଚଳରେ ଗଞ୍ଜେଇ ଚୋରା ଚାଲାଣ ପ୍ରସ୍ତୁତି ଚାଲିଥିବା ନେଇ ଆରକ୍ଷୀ ଅଧିକ୍ଷକ ରାଜ ପ୍ରସାଦ କୌଣସି ସୂତ୍ରରୁ ଜାଣିବାକୁ ପାଇଥିଲେ । ଏସପିଙ୍କ ନିର୍ଦ୍ଦେଶକ୍ରମେ ଇନ୍ସପେକ୍ଟର ଗୋପୀନାଥ ପ୍ରଧାନ ଏସ୍ଆଇ ୟୁଏନ୍ ଆଚାର୍ଯ୍ୟ ଏବଂ ଶଗଡା ଫାଣ୍ଡି ଅଧିକାରୀ ତୁଲାରାମ ମହାନନ୍ଦିଆଙ୍କ ନେତୃତ୍ୱରେ ଏକ ଟିମ୍ ଉକ୍ତ ଅଂଚଳରେ ଚଢାଉ ପାଇଁ ବୁଧବାର ପଠାଇଥିଲେ । ସେଠାରୁ ଗଞ୍ଜେଇ ସହ ଏକ ବାଇକ ଜବତ କରିବା ସହ ୨ ଜଣଙ୍କୁ ଗିରଫ କରିଥିଲା । ଜବତ ଗଞ୍ଜେଇ ଓଜନ କରିବାରେ ଏହା ୧୮ କୁଇଣ୍ଟାଲ ୨୦ କେଜି ହୋଇଥିଲା ।