କଟକ : କଟକ ଲିଙ୍କରୋଡ ନିକଟରୁ ଅବକାରୀ ଫ୍ଲାଇଙ୍ଗ ସ୍କ୍ବାର୍ଡ ପ୍ରାୟ ୬ ଲକ୍ଷ ଟଙ୍କାର ଗଞ୍ଜେଇ ଜବତ କରିବା ସହ ଗଞ୍ଜେଇ ଚୋରା ଚାଲାଣ ଅଭିଯୋଗରେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିଥିବା ଜଣାପଡିଛି । ଗିରଫ ଅଭିଯୁକ୍ତ ଦୁଇ ଜଣ ବିହାରର ଛୋଟୁ କୁମାର ଗୌର ଓ ରଜନିକାନ୍ତ ପଣ୍ଡିତ ବୋଳି ଜଣାପଡିଛି । ସୂଚନା ଅନୁସାରେ ଗିରଫ ଅଭିଯୁକ୍ତମାନେ ବୌଦ୍ଧରୁ ବିହାର ଗଞ୍ଜେଇ ଚାଲାଣ କରୁଥିବା ବେଳେ କଟକ ଲିଙ୍କରୋଡ ନିକଟରୁ ଅବକାରୀ ପୋଲିସ ଗିରଫ କରିଥିଲା । ଗଞ୍ଜେଇ ଚାଲାଣରେ ବ୍ୟବହୃତ ଏକ ବୋଲେରୋ ଗାଡ଼ିକୁ ମଧ୍ୟ ଅବକାରୀ ପୋଲିସ ଜବତ କରିଥିବା ସୂଚନା ମିଳିଛି ।