ବଲାଙ୍ଗିର, (ଦେବାଶିଷ ମିଶ୍ର) : ଆଜି ୧୫୩ ତମ ଗାନ୍ଧୀ ଜୟନ୍ତୀ ଅବସରରେ ବଲାଙ୍ଗିର ଜିଲ୍ଲା ଛାତ୍ର କଂଗ୍ରେସ କମିଟି ତରଫରୁ ମହାବିଦ୍ୟାଳୟ ସ୍ତରୀୟ ବକୃତା ପ୍ରତିଯୋଗିତା ସ୍ଥାନୀୟ ଆଇନ ମହାବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବେ ଏଆଇସିସି ସଦସ୍ୟ ତଥା ପ୍ରଦେଶ କଂଗ୍ରେସ କମିଟିର ସାଧାରଣ ସମ୍ପାଦକ ସମରେନ୍ଦ୍ର ମିଶ୍ର ଯୋଗଦାନ କରିଥିବା ବେଳେ ସମ୍ମାନିତ ଅତିଥିଭାବେ ଜିଲ୍ଲା କଂଗ୍ରେସ କମିଟି ସଭାପତି ଦିଲୀପ ବେହେରା ଓ ଜିଲ୍ଲା ଛାତ୍ର କଂଗ୍ରେସ କମିଟି ସଭାପତି ଅଙ୍କିତ ସାହୁ ମଞ୍ଚାସୀନ ଥିଲେ । ଅନ୍ୟପଟେ ବିଚାରକ ମଣ୍ଡଳୀରେ ବ୍ୟାସଦେବ ନନ୍ଦ, ଶିଶିର ହୋତା ଓ ଆଶିଷ ସିଂ ଠାକୁର ଉପସ୍ଥିତ ରହିଥିଲେ । ଜିଲ୍ଲା ଛାତ୍ର କଂଗ୍ରେସ କମିଟି ପ୍ରବକ୍ତା ନୀତିଶ ପଧାନ ଏହି ପ୍ରତିଯୋଗିତାକୁ ପରିଚାଳନା କରିଥିବା ବେଳେ ଓଡିଆ ବକୃତାରେ ପ୍ରଥମ ସ୍ଥାନରେ ବୈମକେଶ ତ୍ରିପାଠୀ, ଦ୍ୱିତୀୟ ସ୍ଥାନରେ ସାଇ ବିନାୟକ ମିଶ୍ର ଏବଂ ତୃତୀୟ ସ୍ଥାନରେ ଆର୍ଯ୍ୟନ ରାଉତ ରହିଛନ୍ତି । ସେହିପରି ଇଂରାଜୀ ବକୃତାରେ ପ୍ରଥମ ସ୍ଥାନରେ ଶୁଭଶ୍ରୀ ପାତ୍ର, ଦ୍ୱିତୀୟ ସ୍ଥାନରେ ଆୟୁଷୀ ନନ୍ଦ, ଏବଂ ତୃତୀୟ ସ୍ଥାନରେ ପାର୍ଥ ପ୍ରତୀମ ଖମାରୀ ରହିଥିବା ଜଣାପଡିଛି ।