ପଦ୍ମପୁର, (ନିରୋଜ କୁମାର ପାଣୀ) : ଆଜି ସକାଳ ୧୦ ଘଣ୍ଟା ସମୟରେ ପଦ୍ମପୁର ବିଇଓ ଅଫିସ ପ୍ରାଙ୍ଗଣରେ ରଘୁନାଥ ପୁରୀଙ୍କ ସଭାପତିତ୍ୱରେ ଶିକ୍ଷକଙ୍କ ଗଣଧାରଣା ଦ୍ବତୀୟ ଦିନ ଅନୁଷ୍ଠିତ ହୋଇଯାଇଛି । ଆଜି ସମାଜସେବୀ ନିରୋଜ ଦୋରା ଉପସ୍ଥିତ ରହି ଶିକ୍ଷକମାନଙ୍କୁ ଉତ୍ସାହିତ କରିଥିଲେ । ଆଜି ଏହି ଗଣ ଧାରଣାରେ ଶିକ୍ଷକ କବି ରାଜେନ୍ଦ୍ର କୁମାର ମହାନ୍ତି ପରମେଶ୍ୱର ବିଶି ଓ ସ୍ବର୍ଣ୍ଣ କାନ୍ତି ପତି ବୈପ୍ଲବିକ କବିତା ପଢ଼ି ନିଜସ୍ୱ ଦାବୀ ଉପସ୍ଥାପନା କରିଥିଲେ । ପରେ ରତ୍ନାକର ଶତପଥୀ, ପ୍ରମୋଦ ପ୍ରଧାନ, ମମତା ମିଶ୍ର, ଅଶୋକ ସାହୁ, ମୋହନ ଭଗତ, ପ୍ରଭାବତୀ ଦାଶ, ଭାରତୀ କଣ୍ଟା ପ୍ରମୁଖ ଶିକ୍ଷକ ଶିକ୍ଷୟିତ୍ରୀ ଅଗ୍ନିମୟୀ ଭାଷଣ ମାଧ୍ୟମରେ ନିଜର ମତ ରଖିଥିଲେ । ପ୍ରଦୀପ ସାହୁ, ଆଶିଷ ବୈକାର, ମନୋଜ ସାହୁ, ସଂଜୟ ପଟେଲ, ସଂଜୀବ ବାରିକ, ଦେବାନନ୍ଦ ତୁରିଆ, ନେତ୍ରାନନ୍ଦ ସାହୁ ପ୍ରମୁଖ ଉପସ୍ଥିତ ଥିଲେ ।