ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର ବ୍ଲକ ସ୍ଥିତ ଢୁଲୁସର ଖେଳ ପଡିଆରେ ଜବାହାରଲାଲ ଫୁଟବଲ ଏସୋସିଏସନ ତରଫରୁ ଅନୁଷ୍ଠିତ ବିନୋଦ ସ୍ମାରକୀ ଫୁଟବଲ ଚତୁର୍ଥ ଦିବସର ଖେଳ ଅନୁଷ୍ଠିତ ହୋଇଯାଇଛି । ଜେକେୱାଇଏସ୍ କାଲସାଏପାଲି ବନାମ ଫୌଜି କ୍ଲବ ଲୁଚକିବନ୍ଧ ଖେଳ ୧-୧ ଗୋଲରେ ଡ୍ର ରହିଥିଲା । ଟ୍ରାଇବ୍ରେକର ୪-୩ ଗୋଲରେ କାଲସାଏପାଲି ବିଜୟୀ ହୋଇଥିଲା । ଅତିଥି ଭାବେ ପୂର୍ବତନ ଖେଳାଳି ସୌମେନ୍ଦ୍ର ପରିଚ୍ଛା, ଗୋପାଳ ପଟେଲ ଓ ରାଜେଶ୍ୱର କୁମୁରା ଯୋଗ ଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । ସ୍ୱର୍ଗତ ବିନୋଦ କୁମୁରାଙ୍କ ବାପା ରାମ କୁମାର କୁମୁରା ଓ ଟୁର୍ଣ୍ଣାମେଣ୍ଟ କମିଟି ଅଧ୍ୟକ୍ଷ ଶରତ କୁମାର ନନ୍ଦ ମଂଚାସୀନ ଥିଲେ । ଖେଳକୁ ସଞ୍ଜନ କୁଦେଇ, ମଣ୍ଟୁ ବେହେରା, ପୁରୁଷୋତ୍ତମ ବୁଡେକ, ସଂଜିବ ମହାରଣା ଓ ଜଳନ୍ଧର ସାହୁ ପରିଚାଳନା କରିଥିବା ବେଳେ ଦେବରାଜ ନାହାକ ମ୍ୟାଚ କମିଶନର ଏବଂ ମନୋଜ ବେହେରା ସଂଯୋଜକ ଦାୟିତ୍ୱ ତୁଳାଇଥିଲେ । ନବ ବେହେରା, ପ୍ରଶାନ୍ତ ମହାଲିଙ୍ଗ, ବାଳଗୋପାଳ ବିଶି, ବିଜୟ ନାହାକ, ପିଣ୍ଟୁ କୁଅଁର, କରନ ଦଣ୍ଡସେନା, ଲମ୍ବୋଦର ମାଝି, ମହାଦେବ ଧରୁଆ ପ୍ରମୁଖ ସହଯୋଗ କରିଥିଲେ । ୩୦ ତାରିଖ ଗୁରୁବାର ସ୍ପୋଷ୍ଟ ହଷ୍ଟେଲ ବଲାଙ୍ଗିର ବନାମ ବିଏନ୍ଏଏ ଜରାସିଂହା ମଧ୍ୟରେ ଖେଳ ହେବ ବୋଲି ଆୟୋଜନ କମିଟି ଅଧ୍ୟକ୍ଷ ଶରତ କୁମାର ନନ୍ଦ ସୂଚନା ଦେଇଛନ୍ତି ।
Next Post