କଳାହାଣ୍ଡି, (ନରୋତ୍ତମ ସେଲମା) : କଳାହାଣ୍ଡି ଜିଲ୍ଲା କାର୍ଲମୁଣ୍ଡା ବ୍ଲକ ପୁଟିଗା ସ୍ଥିତ ଚିନାବାଡ଼ି ପଡିଆଠାରେ କାର୍ଲମୁଣ୍ଡା ଫୁଟବଲ ଟିମ୍ ପକ୍ଷରୁ କାର୍ଲମୁଣ୍ଡା କପ୍(ଫୁଟବଲ) ଆଜି ଟକରଲା ଓ ତୁଲାପଡା ମଧ୍ୟରେ ଅନୁଷ୍ଠିତ ହୋଇଥିଲା । ତେବେ ସମୟ ସୀମା ମଧ୍ୟରେ କେହି କାହାକୁ ଗୋଲ ଦେଇ ନ ପରିବାରୁ ପେନାଲଟିର ଆଶ୍ରୟ ନିଆଯାଇଥିଲା । ଏଥିରେ ଟକରଲା ଦଳ ବିଜୟୀ ହୋଇଥିଲେ । ଏହି ମ୍ୟାଚରେ ଯୁବ ବ୍ୟବସାୟୀ ଚିତ୍ରସେନ ସାହୁ, ଡୋଲାମଣି ଭୋଇ, ରାଧେଶ୍ୟାମ ବାଗ, ବୁଟାସିଙ୍ଗ ଭୋଇ ପ୍ରମୁଖ ଅତିଥି ଭାବେ ଯୋଗ ଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । ଖେଳ ପରିଚାଳନାରେ ରେଫରି ଭାବେ ଲଳିତ ସାହୁ, ଲଳିତ ଦାଶ, ବିନୋଦ ହେର୍ନା ରହିଥିବା ବେଳେ ଆସନ୍ତା କାଲିର ମ୍ୟାଚ୍ ଚିଚରଲା ଓ ପାଟଣାଗଡ଼ ମଧ୍ୟରେ ହେବାକୁ ଥିବା ଟୁର୍ନାମେଣ୍ଟ ଆୟୋଜନ କମିଟି ସଭାପତି ନନ୍ଦି କିଶୋର ଭୋଇ କହିଛନ୍ତି । ଏଥିରେ କ୍ଳବ ସଦସ୍ୟ -ନିଲ, ବିରେନ, ଅନିଲ, ମୁକେଶ, ସଲଟି, ସୀତୁ, ବିରୁ, ବବଲୁ, ଜିତ, ବିପିନ, ମଣି, କର୍ଣ ସହଯୋଗ କରିଥିଲେ ।