ଘୁଷୁରାମୁଣ୍ଡା ୧୬ତମ ଜିଲ୍ଲାସ୍ତରୀୟ ଫୁଟବଲ୍ ଟୁର୍ଣ୍ଣାମେଣ୍ଟରେ ଝରବାହାଲିକୁ ୫-୦ ଗୋଲରେ ହରାଇ ଘୁଷୁରାମୁଣ୍ଡା ସେମି ଫାଇନାଲ୍ରେ
ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଗୁଡିଘାଟ ପଞ୍ଚାୟତ ଘୁଷୁରାମୁଣ୍ଡା ଗ୍ରାମର ନେହେରୁ ସ୍ପୋଟିଂ କ୍ଲବ ଆନୁକୁଲ୍ୟରେ ଚାଲିଥିବା ୧୬ତମ ଜିଲ୍ଲାସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟର ଏକ କ୍ୱାର୍ଟର ଫାଇନାଲ ମ୍ୟାଚରେ ଆୟୋଜକ ଘୁଷୁରାମୁଣ୍ଡା ଦଳ ୫-୦ ଗୋଲରେ ଝରବାହାଲି ଦଳକୁ ପରାସ୍ତ କରି ସେମିଫାଇନାଲରେ ପ୍ରବେଶ କରିଛି । ଶନିବାର ଘୁଷୁରାମୁଣ୍ଡା ଦଳ ଓ ମୁରିବାହାଲ ଦଳ ମଧ୍ୟରେ ସେମିଫାଇନାଲ ମ୍ୟାଚ୍ ଅନୁଷ୍ଠିତ ହେବ । ଶୁକ୍ରବାର ଅନୁଷ୍ଠିତ ପ୍ରତିଯୋଗିତାରେ ମୁରିବାହାଲ ବ୍ଲକ ଜର୍ଣ୍ଣାଲିଷ୍ଟ ଆସୋସିଏସନ୍ ସଭାପତି ଦୁର୍ଗାନନ୍ଦ ମହାକୁର ମୁଖ୍ୟ ଅତିଥି, ସାଧାରଣ ସମ୍ପାଦକ ଜୟନ୍ତ କୁମାର ସାହୁ, କୋଷାଧ୍ୟକ୍ଷ ନବୀନ କୁମାର ତାଣ୍ଡି, ଗ୍ରାମର ୦୬ ନମ୍ବର ୱାର୍ଡ ସଭ୍ୟ ଧନେଶ୍ଵର ଭୋଇ ଓ ଉପେନ୍ଦ୍ର ଭୋଇ ସମ୍ମାନୀତ ଅତିଥି ରୂପେ ଯୋଗଦେଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ । ଖେଳ ପରିଚାଳନା ବିନୋଦ ପ୍ରଧାନୀ, ପ୍ରୀତମ ନାୟକ ଓ ମୋହନ ପ୍ରଧାନୀ କରିଥିଲେ । ଆୟୋଜକ ନେହେରୁ ସ୍ପୋଟିଂ କ୍ଲବ୍ କମିଟିର ମ୍ୟାନେଜର ନରେଶ ସାହୁଙ୍କ ତତ୍ତ୍ଵାବଧାନରେ ସଭାପତି ମାମରାଜ ବାଗ, ସମ୍ପାଦକ ରାକେଶ ପୃଷ୍ଟି, ସେବା ସାହୁ, ହଂସରାଜ ପରାଭୁଏ, ବନବିହାରୀ କାଣ୍ଡ, ବଇବ କାଣ୍ଡ, ସର୍ବ୍ଦାକର ବାଗ, ଜୟଦେବ ଭୋଇ, ଅଜୟ ଯାନୀ, ପିଣ୍ଟୁ ଭୋଇ, ସୁଶିଲ ବାଗ ପ୍ରମୁଖଙ୍କ ସହ ଗ୍ରାମବାସୀ ସହଯୋଗ କରୁଛନ୍ତି । ଆସନ୍ତା କାଲି ଶେଷ କ୍ୱାର୍ଟର ଫାଇନାଲ ମ୍ୟାଚ୍ରେ ଟିକ୍ରାପଡ଼ା ଓ ବଡ଼ଗମଡ଼ା ଦଳ ମଧ୍ୟରେ ମ୍ୟାଚ୍ ଅନୁଷ୍ଠିତ ହେବ ବୋଲି ଆୟୋଜକ କମିଟି ସୂତ୍ରରୁ ଜଣାପଡିଛି ।