ବଲାଙ୍ଗିର, (କେପିଏନ୍ଏସ୍) : ଜାମୁଟିଆ ଗାଁ ପାଖରେ ଥିବା ବ୍ରିଜରେ ଭାରସାମ୍ୟ ହରାଇ ଦୁର୍ଘଟଣାର ଶିକାର ହେଲେ ତିନି ବନ୍ଧୁ । ଉକ୍ତ ତିନି ଜଣ ବଲାଙ୍ଗିର ଜିଲ୍ଲା ମହାରପାଲି ଗ୍ରାମର ଆକାଶ କୁମ୍ଭାର(୧୮), ହିତେଶ କୁମାର ଭୋଇ(୨୦) ଓ ଡାକ୍ତର କାଲସାୟ (୨୩) ବୋଲି ଜଣାପଡିଛି । ସୂଚନା ଅନୁସାରେ ତିନି ବନ୍ଧୁ ନିଜ ଗ୍ରାମରୁ ବଲାଙ୍ଗିର ଯିବା ସମୟରେ ଜାମୁଟିଆ ବ୍ରିଜ ନିକଟରେ ଭାରସାମ୍ୟ ହରାଇ ରାସ୍ତା କଡ଼ରେ ପଡ଼ି ଯାଇଥିଲେ । ଫଳରେ ଦୁଇ ଜଣ ଆକାଶ ଓ ହିତେଶ ସାମାନ୍ୟ ଆହତ ହୋଇଥିବା ବେଳେ ଡାକ୍ତର କାଲସାୟଙ୍କ ଅବସ୍ଥା ଗୁରୁତର ହୋଇଥିଲା । ବଲାଙ୍ଗିର ସଦର ପୋଲିସ ଖବର ପାଇବା ପରେ ସମସ୍ତଙ୍କୁ ଉଦ୍ଧାର କରି ବଲାଙ୍ଗିର ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲକୁ ଆଣି ଭର୍ତ୍ତି କରିଥିଲେ । ଏବେ ଡାକ୍ତର କାଲସାୟଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି ।