ଝାରସୁଗୁଡ଼ା : ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୩ ଜଣଙ୍କ ଜୀବନ । ଝାରସୁଗୁଡ଼ା ଜିଲ୍ଲା କୋଲାବିରା ଥାନା ଅନ୍ତର୍ଗତ ଜାତୀୟ ରାଜପଥ ୪୯ର ସନ୍ୟାସିପାଲି ଛକରେ ଟ୍ରକ୍ ଓ ବାଇକ୍ ମୁହାଁମୁହିଁ ଧକ୍କା ହୋଇଥିବା ଜଣାପଡିଛି । ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କ ମୃତ୍ୟୁ ମେଡିକାଲରେ ହୋଇଛି । ସୂଚନା ଅନୁସାରେ, ୩ ମୃତକ ବାହାର ରାଜ୍ୟର ହୋଇଥିବା ବେଳେ ସେମାନଙ୍କ ନାମ ଅଭିଜିତ ପାଣ୍ଡେ, ମନୁ ରାୟ ଓ ଅମନ ରାୟ । ପୋଲିସ ସୂଚନା ଅନୁସାରେ, ୩ ଜଣ ଯାକ କୁଚିଣ୍ଡାରୁ ଗୋଟିଏ ବାଇକରେ କୋଲାବିରା ଯାଉଥିଲେ । ପୋଲିସ ମୃତଦେହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଛି ।