କୋକସରା : କୋକସରା ବ୍ଲକ ଆମପାଣିରୁ ଧର୍ମଗଡକୁ ସଂଯୋଗ କରୁଥିବା ବିଜୁ ଏକ୍ସପ୍ରେସ୍ ୱେ’ ରାସ୍ତାରେ ଏକ ସଡ଼କ ଦୁର୍ଘଟଣା ଘଟି ୩ ଜଣ ଯୁବକ ଗୁରୁତର ହୋଇଛନ୍ତି । ସୂଚନା ଆଧାରରେ, ସ୍ଥାନୀୟ ବଡ଼ କେନ୍ଦୁଗୁଡା ଗ୍ରାମର ସ୍ଥାନୀୟ ଲୋକେ ଗୁରୁତର ଯୁବକଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସରେ କୋକସରା ଡାକ୍ତରଖାନାକୁ ପଠାଇଥିଲେ । ଗୁରୁତର ମାନେ ହେଲେ ବଡ଼ କେନ୍ଦୁଗୁଡା ଗ୍ରାମର ଉପେନ୍ଦ୍ର ମାଝୀ ଓ ଧୋବେନ ଚଞ୍ଚରା ନୂଆପଡା ଗ୍ରାମର ନିରନ ଚଳାନ (୨୪) ଓ ଚିତରୁ ଚଳାନ (୨୮)ବୋଲି ଜଣାପଡିଛି । ଦୁର୍ଘଟଣା ହୋଇଥିବା ୨ ଜଣଙ୍କ ଅବସ୍ଥା ଅତି ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ୩ ଗୁରୁତରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ଭବାନୀପାଟଣାକୁ ସ୍ଥାନାନ୍ତରିତ କରାଯାଇଛି । ଖବର ପାଇ ଆମପାଣି ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡ଼ିଛି । ତେବେ ୩ ଗୁରୁତରଙ୍କ ମଧ୍ୟରେ ୨ ଜଣଙ୍କ ଅବସ୍ଥା ସଙ୍କଟାପନ୍ନ ରହିଥିବା ଜଣାପଡ଼ିଛି ।