ମର୍ମନ୍ତୁଦ ଦୁର୍ଘଟଣା, ଜଣେ ବ୍ୟକ୍ତିଙ୍କ ସହ ୨ଟି ଗାଈ ମୃତ

ପାପଡାହାଣ୍ଡି : ନବରଙ୍ଗପୁର ପାପଡାହାଣ୍ଡି ୨୬ ନମ୍ବର ଜାତୀୟ ରାଜପଥ ଉପରେ ଅଜଣା ଗାଡି ଧକ୍କାରେ ଜଣେ ବ୍ୟକ୍ତିଙ୍କ ସମେତ ୨ ଗାଈର ମୃତ୍ୟୁ ଘଟିଛି । ମୃତକ ଜଣକ ହେଲେ ନବରଙ୍ଗପୁର ବ୍ଲକ ଉର୍ଦି ଗ୍ରାମର କେଶବ ହରିଜନ । ସୂଚନା ଅନୁସାରେ ଗାଈ ଗୋଠ ଧରି ଡାବୁଗାଁ ପଟୁ ପାପଡାହାଣ୍ଡି ଅତିକ୍ରମ କରି ଯିବା ସମୟରେ ଚିକିଲି ନିକଟସ୍ଥ ଭାରତ ପେଟ୍ରୋଲ ପମ୍ପ ନିକଟରେ ପାପଡାହାଣ୍ଡିରୁ ନବରଙ୍ଗପୁର ଯାଉଥିବା ଏକ ଦ୍ରୁତଗ୍ରାମୀ ମିନିଟ୍ରକ ଗାଈଗୁଡ଼ିକୁ ଧକ୍କାଦେବା ଫଳରେ ଘଟଣା ସ୍ଥଳରେ ହିଁ ଦୁଇଟି ଗାଈ ଏବଂ କେଶବ ହରିଜନଙ୍କ ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା । ଦୁର୍ଘଟଣା ଘଟାଇ ମିନିଟ୍ରକଟି ନବରଙ୍ଗପୁର ଯିବା ପରିବର୍ତ୍ତେ ଦ୍ରୁତ ଗତିରେ ଚିକିଲି ଗ୍ରାମ ଦେଇ ଚାଲିଯିବା ବେଳେ ଉର୍ଦି ଗ୍ରାମର ଲୋକେ ଖବର ପାଇ ଗାଡିକୁ ଅଟକାଇ ଥିଲେ । ଖବର ପାଇ ପାପଡାହାଣ୍ଡି ପୋଲିସ ଉର୍ଦି ଗ୍ରାମ ଯାଇ ଡ୍ରାଇଭରକୁ ଉଦ୍ଧାର କରିବାକୁ ଚେଷ୍ଟା କରିଥିଲେ ହେଁ ଉତ୍ୟକ୍ତ ଗ୍ରାମବାସୀ ପୁଲିସ ଗାଡି ଏବଂ ଦୁର୍ଘଟଣା ଘଟଇଥିବା ଗାଡିକୁ ଅଟକାଇ ରଖିଥିଲେ । ଘଟଣା ସ୍ଥଳରେ ଉତ୍ତେଜନା ଲାଗିଥିବା ବେଳେ ଘଟଣା ସ୍ଥଳରେ ସ୍ଥାନୀୟ ସରପଞ୍ଚ, ପାପଡାହାଣ୍ଡି ଥାନା ଅଧିକାରୀ ମୀରା ନାୟକ, ଏସଆଇ ଶିବଜୀ ପ୍ରମୁଖ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ । ମୃତଦେହକୁ ବ୍ୟବଚ୍ଛେଦ ପାଇଁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିବା ଜଣାପଡିଛି ।