ବଲାଙ୍ଗିର, (କେପିଏନ୍ଏସ୍) : ତୁଳସୀନଗର ଦୁର୍ଗାପୂଜା କମିଟିର ଏକ ବନ୍ଧୁ ମିଳନ ପର୍ବ ଗତ କାଲି ବଲାଙ୍ଗିର ସହର ଉପକଣ୍ଠ କଦଳୀମୁଣ୍ଡ ନର୍ସରୀରେ ଆୟୋଜିତ ହୋଇଯାଇଛି । ଏହି ଅବସରରେ ବଲାଙ୍ଗିର ବିଧାୟକ କଲିକେଶ ନାରାୟଣ ସିଂଦେଓ କମିଟି ସଦସ୍ୟମାନଙ୍କ ସହିତ ଯୋଗଦେଇ କିଛି ସମୟ ଅତିବାହିତ କରିଥିଲେ । କମିଟିର ସଭାପତି କିଶୋର ଚନ୍ଦ୍ର ରଥ ଓ ସମ୍ପାଦକ ହରେକୃଷ୍ଣ ଆଡଯୁଏଡଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏହି ବନ୍ଧୁମିଳନ ପର୍ବ ଅନୁଷ୍ଠିତ ହୋଇଥିଲା । ଏଥିରେ କମିଟିର ଶତାଧିକ ସଦସ୍ୟ ଯୋଗ ଦେଇଥିଲେ । ହର୍ଷ ଉଲ୍ଲାସ ମଧ୍ୟରେ କିଛି ମୁହୂର୍ତ୍ତ ସଦସ୍ୟମାନେ ଅତିବାହିତ କରିଥିଲେ । ଯାହା ସେମାନଙ୍କ ପାଇଁ ସ୍ମରଣୀୟ ହୋଇ ଯାଇଥିଲା । ପୁଣି ଥରେ ଆଗାମୀ ବର୍ଷରେ ବନ୍ଧୁମିଳନର ପ୍ରତିଶୃତିରେ ଏହି କାର୍ଯ୍ୟକ୍ରମ ସମାପିତ ହୋଇଥିଲା । ଯୁବ ସଦସ୍ୟମାନଙ୍କ ଦ୍ଵାରା ଏହି କାର୍ଯ୍ୟକ୍ରମର ସୁଆୟୋଜନ ପାଇଁ ସଭାପତି ସମସ୍ତ କାର୍ଯ୍ୟକର୍ତ୍ତାଙ୍କୁ ଧନ୍ୟବାଦ ଅର୍ପଣ କରିଥିଲେ ।