ବଲାଙ୍ଗିର, (ଦେବାଶିଷ ମିଶ୍ର) : ରୁଗୁଡିପଡା ଶାରଦୀୟ ଦୁର୍ଗାପୂଜା ପାଇଁ ମୃତ୍ତିକା ଅନୁକୂଳ କରାଯାଇଛି । ମୂର୍ତ୍ତି ନିର୍ମାଣ ପାଇଁ ରୀତିନୀତି ଅନୁସାରେ ଗୁରୁବାର ମୃତ୍ତିକା ସଂଗ୍ରହ କରାଯାଇଛି । ସ୍ଥାନୀୟ ଦୁର୍ଗା ମଣ୍ଡପଠାରେ ଏହି ପବିତ୍ର ମାଟିକୁ ପୂଜାର୍ଚ୍ଚନା କରାଯାଇ ପ୍ରତିମା ପ୍ରସ୍ତୁତି ଆରମ୍ଭ ହୋଇଥାଏ । ଚଳିତ ବର୍ଷ କର୍ତ୍ତା ଭାବରେ ସଂଜୟ ପୂଜାରୀ ଓ ପତ୍ନୀ ଜ୍ୟୋସ୍ନା ପୂଜାରୀ ଦାୟିତ୍ୱ ତୁଳାଇଛନ୍ତି । ଏହି ଉପଲକ୍ଷେ ଆଜି ପୂଜା କମିଟି କର୍ମକର୍ତ୍ତା ଓ ସଦସ୍ୟମାନେ ଏକ ଶୋଭାଯାତ୍ରାରେ ବାହାରି ବିଲ୍ୱବୃକ୍ଷଠାରେ ପୂଜାର୍ଚ୍ଚନା କରିଥିଲେ । ମୃତ୍ତିକା ସଂଗ୍ରହ ପରଠୁ ପ୍ରତିମା ନିର୍ମାଣ କାମ ଆରମ୍ଭ ହେବ । ପୂଜା କାର୍ଯ୍ୟରେ ପୂଜକ ଭାବେ ନିରଂଜନ ମହାପାତ୍ର, ସନ୍ତୋଷ ପଣ୍ଡା, ନାରାୟଣ ପଣ୍ଡା, ବିଶେଶ୍ୱର ପୂଜାରୀ, ହିମାଂଶୁ ପାଢୀ, ମହେନ୍ଦ୍ର ପାଣ୍ଡିଆ, ଭାଗିରଥି ମହାକୁର, ଲକ୍ଷ୍ମୀ ମହାରଣା, ଡମ୍ବରୁ ପଶାୟତ, ସ୍ୱସ୍ତିକ ସାହୁ, ଶିଶିର ପ୍ରମୁଖ ସହଯୋଗ କରିଥିଲେ । କାର୍ଯ୍ୟକ୍ରମରେ ସଭାପତି ଚେତନାନନ୍ଦ ପଣ୍ଡା, ପ୍ରଦୀପ ପଟ୍ଟନାୟକ, କୋଷାଧ୍ୟକ୍ଷ ଦେବାଶିଷ ମହାକୁର, ଶ୍ରୀକାନ୍ତ ରାଉତ, ପଞ୍ଚଜନ୍ୟ ପଣ୍ଡା, ଅଭିଷେକ ଚନ୍ଦନ, ଆନନ୍ଦ ସାହୁ, ଠଗୋ ନନ୍ଦ ପ୍ରମୁଖ ଉପସ୍ଥିତ ଥିଲେ ।